کئی ملین عاشقان حسینی ـ اربعین حسینی کے مراسمات میں شرکت کی نیت سے ـ عراق کے مختلف شہروں سے کربلائے معلی کی جانب روانہ ہوگئے ہیں۔
|
اہل البیت (ع) نیوز ایجنسی -ابنا- کی رپورٹ کے مطابق عاشقان حسینی کے عظیم قافلے ـ جن میں مرد زن، بوڑھے اور بچے شامل ہیں ـ امام حسین (ع) اور حضرت عباس (ع) کے ناموں سے مزین پرچم اور بینر اٹھا کر ـ سیدالشہداء علیہ السلام کی شہادت کی رسم چہلم میں شرکت کے لئے کربلا کی جانب جارہے ہیں
.
اس رپورٹ کے مطابق پانچ لاکھ بیرونی زائرین بھی مختلف ممالک سے عراق پہنچ رہے ہیں جو اربعین کے روز کربلائے معلّی میں حاضر ہونگے۔
کربلائے معلی کے 320 ہوٹل عراقی زائرین کے لئے ریزرو کئے گئے ہیں اور توقع کی جاتی ہے کہ کربلائے معلی اربعین (20 صفر المظفر) سے ایک ہفتہ قبل تک دنیا کے مختلف علاقوں سے آئے ہوئے لاکھوں زائرین سے کھچاکھچ بھر جائے گا۔