انہدام جنت البقیع کے سلسلہ میں قم میں اردو زبان طلاب کی مجلس عزا و احتجاج منعقد

گزشتہ برسوں کی طرح امسال بھی موسسہ منتظرین امام زمانہ عج کی جانب سے مسجد مدرسہ حجتیہ میں انھدام جنت البقیع کی مناسبت سے ایک مجلس عزا و احتجاج منعقد ھوا، مجلس کا آغاز جناب ایلیا باقر صاحب نے تلاوت قرآن مجید سے کیا بعدہ جناب حسن رضا بنارسی صاحب، جناب فیروز خان صاحب نے بارگاہ ائمہ مظلوم بقیع علیھم السلام میں منظوم خراج عقیدت پیش کیا، مجلس کو حجۃالاسلام و المسلمین مولانا سید ضیغم الرضوی صاحب قبلہ نے خطاب فرمایا، مولانا موصوف نے اپنی تقریر میں ائمہ مظلوم بقیع علیھم السلام کی حیات طیبہ پہ روشنی ڈالی اور آل سعود ملعون کے ذریعہ جنت البقیع کے انھدام کے اسباب و علل بیان کئے، بعدہ جناب یونس ماھلی صاحب نے نوحہ خوانی کی، مجلس میں قم میں موجود ھند و پاک کے علما و طلاب اور زائرین نے کثیر تعداد میں شرکت کی۔