اردو
Wednesday 24th of May 2017
code: 83548
قم، مجلس وحدت مسلمین کے زیراہتمام ڈاکٹر شہید محمد علی نقوی کی 22ویں برسی کی تقریب

کی رپورٹ کے مطابق مجلس وحدت مسلمین پاکستان شعبہ قم کے زیراہتمام ڈاکٹر شہید محمد علی نقوی کی 22ویں برسی منائی گئی۔ برسی کا پروگرام علمی مرکز مدرسہ حجتیہ میں منعقد ہوا۔ برسی کے اجتماع میں علماء، طلاب اور زائرین کی کثیر تعداد نے شرکت کی۔ پروگرام سے خطاب کرتے ہوئے مجلس وحدت مسلمین پاکستان کے مرکزی سیکرٹری امور خارجہ حجۃ الاسلام والمسلمین علامہ ڈاکٹر شفقت حسین شیرازی نے کہا کہ شہید کی پوری زندگی قوم و ملت کی رہنمائی، انکی خدمت اور جوانوں کی تربیت میں گزری، شہید نے تمام تر نامساعد حالات کے باوجود سفیر انقلاب بن کر پوری دنیا کے مظلومین کے حقوق کی جنگ لڑی اور اپنی پوری زندگی شناخت وب صیرت کیساتھ مسلسل جھاد میں گزاری۔ انہوں نے مزید کہا کہ شہید کی ایک بنیادی اور اہم خصوصیت انکی بصرت اور دشمن شناسی تھی، وہ دشمن کے عزائم اور ارادوں سے باخبر تھے اور انکی سازشوں کے مقابلے میں ہمہ وقت آمادہ و تیار رہتے تھے۔

برسی کے اجتماع سے خطاب کرتے ہوئے سابق ڈائریکٹر ثقافتی مرکز اسلامی جمہوریہ ایران اسلام آباد جناب ڈاکٹر تقی صادقی نے کہا کہ ڈاکٹر شہید محمد علی نقوی اعلٰی الٰہی اقدار و صفات سے متصف تھے، انہوں نے ہمیشہ دین و ملت کی خدمت، جوانوں کی تربیت اور تمام تر مشکلات کے باوجود اجتماعی سیاسی و ثقافتی امور میں موثر کردار ادا کیا۔ وہ حقیقت میں ملت پاکستان کے ڈاکٹر چمران تھے۔ جوانوں کو چاہئے کہ انکی الہام بخش زندگی سے درس لیں، قوم و ملت کی بے لوث خدمت کریں اور اپنے زمانے کے ولی کی معرفت کیساتھ انکی اطاعت محض کریں۔ شہید کی برسی میں انکی شخصیت اور دیگر شہداء کے حوالے سے ثقافتی اسٹالز لگائے گے تھے اور سفیر انقلاب کے عنوان سے خصوصی نشریہ شرکاء کی خدمت میں ھدیہ دیا گیا۔

user comment
 

latest article

  افغان فوج کی کارروائیوں میں ایک سو طالبان ہلاک
  انتخابات میں عوام کی تاریخی شرکت پر رہبرانقلاب اسلامی کا ...
  سعودی حکومت نے العوامیہ میں حضرت زہرا(س) مہمان خانے کو گرا ...
  کانگو جیل پر حملہ، 3 ہزار قیدی فرار
  علامہ علی غضنفر کراروی کو پرنم آنکھوں کے ساتھ سپرد خاک کر ...
  سعودی فوج کا العوامیہ علاقے پر ماٹر گولوں سے حملہ
  رہبر انقلاب اسلامی نے حسینیہ امام خمینی(رہ) میں اپنا ووٹ ...
  بوئیمو جیل پاپوا نیوگنی سے 57 قیدی فراراور 17 ہلاک
  پاکستان کی فضا امریکہ مردہ باد کے نعروں سے گونج اٹھا
  امریکہ میں فائرنگ کے مختلف واقعات میں درجنوں ہلاک و زخمی