اردو
Tuesday 21st of November 2017
code: 83560
پاکستان میں اب بھی 2کروڑ 20 لاکھ سے زائد بچے تعلیم سے محروم

پاکستان میں تعلیم سے متعلق نئی رپورٹ کے مطابق ملک میں اب بھی 2کروڑ 20 لاکھ سے زائد بچے تعلیمی اداروں سے باہر ہیں اور ان کی عمریں 5 سے 16 سال کے درمیان ہیں۔

پاکستان ایجوکیشن اسٹیٹسٹک 2015-16ء نامی اس رپورٹ کے مطابق سکولوں سے باہر بچوں کی تعداد 2 کروڑ 40لاکھ تھی جس میں اب کمی آئی ہے۔

رپورٹ کے مطابق 2012 میں تقریباً 2 کروڑ 60 لاکھ بچے اسکولوں سے باہر تھے جبکہ 2015 میں یہ تعداد کم ہو کر 2 کروڑ 40 لاکھ  رہ گئی تھی۔

اگرچہ حکومت کی طرف سے یہ کہا گیا ہے کہ سکولوں سے باہر طالب علموں کی تعداد میں سالانہ 3 فیصد تک کمی آئی ہے اور پرائمری تعلیم میں داخلوں کی شرح میں بھی بہتری آئی ہے تاہم نئی رپورٹ کے اعداد و شمار کے مطابق ملک میں پرائمری سطح کے سکولوں میں سے 21 فیصد سکول ایسے ہیں جن میں صرف ایک استاد تعینات ہے جبکہ 14 فیصد سکول محض ایک کمرے کی عمارت پر مشتمل ہیں۔

رپورٹ میں یہ بھی کہا گیا کہ صوبہ بلوچستان اور افغان سرحد سے ملحقہ قبائلی علاقوں میں سکول جانے کی عمر کے سب سے زیادہ بچے تعلیمی اداروں سے باہر ہیں۔

پاکستان کے آئین کے مطابق وفاقی اور صوبائی حکومتیں پانچ سے 16 سال کی عمر کے بچوں کو مفت تعلیم فراہم کرنے کی پابند ہیں لیکن تاحال اس سلسلے میں کوئی نمایاں پیش رفت دیکھنے میں نہیں آئی ہے اور نہ ہی بجٹ میں تعلیم کے لیے مختص رقم میں قابل ذکر اضافہ کیا گیا ہے۔

دوسری جانب ماہر تعلیم اور تجزیہ کار اے ایچ نیئر نے وائس صحافیوں سے گفتگو میں کہا کہ تعلیم کی حالت زار اسی صورت بہتر ہو سکتی ہے جب تعلیم کے شعبے کے لیے مختص بجٹ میں اضافہ کیا جائے۔

user comment
 

latest article

  چینی شیعہ زائرین کربلا کی پذیرائی کرنے میں مصروف
  اربعین حسینی کے موقع پر امریکی خاتون نے شیعہ مذہب قبول کر لیا
  نجف اشرف اور کربلائے معلی میں ایام اربعین کے دوران اردو زبان ...
  ایمریٹس ائیر لائن نے پاکستانی زائرین کو لے جانے سے انکار کر ...
  شامی فوج نے دیر الزور کو داعش سے آزاد کرا لیا
  بیروت میں دوسری بین الاقوامی فلسطین کانفرنس کی اختتامی ...
  نائیجیریا؛ مسجد میں خودکش دھماکے کے نتیجے میں پانچ نمازی ...
  غزہ پر اسرئیل کی جانب سے زہریلی گیس کے استعمال کا انکشاف
  پاکستان میں شہباز شریف کو وزیر اعظم نامزد کرنے کا فیصلہ
  صہیونی حکومت کے خلاف جنگ جاری پر رہبر انقلاب اسلامی کی تاکید