اردو
Wednesday 22nd of November 2017
code: 83632
شام، فوعہ اور کفریا کے باشندوں کو منتقل کرنے والی بسوں پر دھشتگردانہ حملہ، پچاس سے زائد شہید

شام کے شیعہ نشین قصبوں فوعہ اور کفریا کے باشندوں کو حلب لے کر جانے والی بسوں کے راستے میں ہونے والے خودکش کار بم دھماکے میں پچاس سے زیادہ افراد شہید ہوگئے ہیں۔

رپورٹ کے مطابق حلب کے مضافات میں واقع الراشدین علاقے میں خودکش کار بم کا دھماکا ہوا ہے جس میں دسیوں عام شہری شہید اور زخمی ہوگئے ہیں - بتایاگیا ہے کہ جس وین کے ذریعے دھماکہ کیا گیا بظاہر اس میں پناہ گزیں بچوں کے لئے غذائی سامان لدا ہوا تھا - یہ کار بم دھماکا، شیعہ نشین علاقے الفوعہ اور کفریا قصبوں کے لوگوں کو لے کر جانے والی بسوں کے قریب ہوا ہے - دہشت گردوں نے فوعہ کفریا کا پچھلے کئی برسوں سے محاصرہ کررکھا تھا لیکن گذشتہ دنوں حکومت اور مسلح مخالفین کے مابین سمجھوتے کے بعد فوعہ اور کفریا میں محصور باشندوں کو وہاں سے نکلنے کی اجازت مل گئی تھی- ابتدائی رپورٹوں میں کہا گیا تھا کہ اس دہشت گردانہ دھماکے میں تیس سے زیادہ افراد شہید ہوئے ہیں مگر بعد میں جاں بحق ہونےوالوں کی تعداد بڑھ کر پچاس سے زیادہ ہوگئی ہے جبکہ روسی خبررساں ایجنسی نے کہا ہے کہ اس دھماکے میں ستر افراد جاں بحق ہوئے ہیں -

عینی شاہدین کا کہنا ہے کہ دھماکا الراشدین محلے میں اس مقام پر ہوا ہے جہاں فوعا اور کفریا کے شہریوں کو منتقل کرنے والی بسیں کھڑی تھیں- اس دھماکے میں کئی بچے اور خواتین بھی نشانہ بنے ہیں - العالم نے بھی رپورٹ دی ہے کہ کفریا اور الفوعہ کے شہریوں کی بسوں کو حلب کے مضافات میں الراشدین کے علاقے میں حادثہ پیش آیا - درایں اثنا شام کے صوبہ مغربی لاذقیہ میں ایک فوجی چھاؤنی کے قریب ریموٹ کنٹرول بم سے کئے جانے والے دھماکے میں دس افراد جاں بحق اور متعدد زخمی ہوگئے - ایک مقامی ذریعے نے اپنا نام ظاہر نہ کرنے کی شرط پر بتایا کہ شمال مشرقی لاذقیہ کے سلمی دیہات میں دھماکا خیز مواد سے بھری ایک گاڑی تباہ ہوگئی - ابھی تک کسی گروہ یا فرد نے اس حملے کی ذمہ داری قبول نہیں کی ہے-

user comment
 

latest article

  چینی شیعہ زائرین کربلا کی پذیرائی کرنے میں مصروف
  اربعین حسینی کے موقع پر امریکی خاتون نے شیعہ مذہب قبول کر لیا
  نجف اشرف اور کربلائے معلی میں ایام اربعین کے دوران اردو زبان ...
  ایمریٹس ائیر لائن نے پاکستانی زائرین کو لے جانے سے انکار کر ...
  شامی فوج نے دیر الزور کو داعش سے آزاد کرا لیا
  بیروت میں دوسری بین الاقوامی فلسطین کانفرنس کی اختتامی ...
  نائیجیریا؛ مسجد میں خودکش دھماکے کے نتیجے میں پانچ نمازی ...
  غزہ پر اسرئیل کی جانب سے زہریلی گیس کے استعمال کا انکشاف
  پاکستان میں شہباز شریف کو وزیر اعظم نامزد کرنے کا فیصلہ
  صہیونی حکومت کے خلاف جنگ جاری پر رہبر انقلاب اسلامی کی تاکید