پاکستانی فوج کے شعبہ تعلقات عامہ (آئی ایس پی آر) کے مطابق جنوبی وزیرستان میں سرحد پار سے پاکستانی چیک پوسٹوں پر حملہ کیا گیا جس میں دہشت گردوں نے 2 چوکیوں کو نشانہ بنایا جس کے بعد پاک فوج کی جانب سے بھرپور جوابی کارروائی کی گئی ہے۔ ترجمان پاک فوج کے مطابق فوج کی جوابی کارروائی میں 3 دہشت گرد مارے گئے اور متعدد زخمی ہوئے ہیں۔
پاکستان نے اس سے پہلے بھی افغانستان سے دہشتگردوں کے پاکستان آنے اور دہشتگردانہ کارروائیاں کر کے واپس جانے کا الزام لگا کر پاک افغان مشترکہ سرحدوں کو ایک مہینے تک بند رکھا۔ تاہم افغانستان پاکستان کے الزامات کو مسترد کرتا ہے۔