حضرت زہرا(س) مہمان خانہ العوامیہ کے علاقے الجارودیہ میں واقع ہے جس میں اہل بیت(ع) کے چاہنے والے مختلف مناسبتوں سے مذہبی پروگراموں کا انعقاد کرتے ہیں۔
اہل بیت(ع) نیوز ایجنسی۔ابنا۔ سعودی حکومت کے گماشتوں نے اس ملک کے مشرقی صوبے العوامیہ کے شیعہ نشین شہر پر اپنی جارحیت کو جاری رکھتے ہوئے اس مرتبہ حضرت زہرا (س) مہمان خانہ کو مسمار کر دیا۔
حضرت زہرا(س) مہمان خانہ العوامیہ کے علاقے الجارودیہ میں واقع ہے جس میں اہل بیت(ع) کے چاہنے والے مختلف مناسبتوں سے مذہبی پروگراموں کا انعقاد کرتے ہیں۔
اس ملک کے مظلوم اور نہتے شیعوں پر سعودی حکومت کی جارحیت گزشتہ دو ہفتوں سے جاری ہے۔
گزشتہ دو ہفتوں میں کم سے کم پانچ شیعہ مسلمان سعودی سیکورٹی دستوں کی براہ راست گولیوں کا نشانہ بن کر اپنی جانیں دے چکے ہیں۔
سکیورٹی اہلکار ان علاقوں کے مکینوں پر بھاری اسلحہ استعمال کر کے ان کے گھروں کو بھی تباہ و برباد کر رہے ہیں۔ اطلاعات کے مطابق دسیوں ٹینک، بکتربند گاڑیاں اور بلڈوزر لوگوں کے گھروں کو توڑنے کے لیے العوامیہ شہر میں موجود ہیں جنہوں نے شیعہ بستیوں کا محاصرہ کر رکھا ہے