اہل بیت(ع) نیوز ایجنسی۔ابنا۔ اہل بیت(ع) عالمی اسمبلی کے سیکرٹری جنرل حجۃ الاسلام و المسلمین محمد حسن اختری جو حالیہ دنوں ترکی کے دورے پر ہیں انہوں نے استنبول میں منعقدہ دو بین الاقوامی کانفرنسوں میں شرکت کے علاوہ زیر تعمیر ایک ایسے پروجیکٹ کا نزدیک سے جائزہ لیا جو ترکی کا سب سے بڑا شیعہ پروجیکٹ اور مرکز ہے۔
انہوں نے استنبول میں زیر تعمیر اس ثقافتی اور تعلیمی مرکز کا جائزہ لینے کے بعد کہا کہ اس وقت عالم اسلام کو اسلام کی صحیح اور خالص تعلیمات کی ضرورت ہے۔
علامہ اختری نے مزید کہا: یہ مرکز استنبول کے شیعوں اور اہل بیت (ع) کے پیروکاروں کے لیے باعث افتخار ہے اور ہمیں امید ہے کہ یہ جلد از جلد پایہ تکمیل کو پہنچے۔
واضح رہے کہ بلقان اور مغربی یورپ میں واقع شیعوں کا سب سے بڑا زیر تعمیر یہ مرکز ۵۵ ہزار مربع میٹر کے رقبے پر واقع ہے جو ایک جامع مسجد، قرآنی اور دینی تعلیم کے لیے مدرسہ، اخبار اور ٹی وی چینلز کے دفاتر پر مشتمل ہے۔
انہوں نے استنبول میں زیر تعمیر اس ثقافتی اور تعلیمی مرکز کا جائزہ لینے کے بعد کہا کہ اس وقت عالم اسلام کو اسلام کی صحیح اور خالص تعلیمات کی ضرورت ہے۔