کتاب ’’منتخب حکمت نامہ رضوی‘‘ عربی اور اردو زبان میں منظر عام پر گئی

اہل بیت(ع) نیوز ایجنسی۔ابنا۔ عشرہ کرامت اور امام ہشتم علی بن موسی الرضا علیہ آلاف التحیۃ و الثناء کے ایام ولادت کے موقع پر اہل بیت(ع) عالمی اسمبلی نے آیت اللہ محمد محمدی ری شہری کی گرانقدر تالیف ’’منتخب حکمت نامہ رضوی‘‘ کو عربی اور اسکا اردو زبان میں ترجمہ شائع کرنے کا اعزاز حاصل کیا ہے۔
تفصیلات کے مطابق، کتاب ھذا (حکمت نامہ رضوی) کے پہلے حصے میں امام رضا علیہ السلام کی مختصر سوانح حیات، آپ کی امامت کا دور، خراسان میں سفر کے حالات، مامون کی ولایت عہدی کو قبول کرنے کے مقاصد، آپ کا علمی اور عملی مقام، آپ سے منقول احادیث اور شہادت کے واقعات کو بیان کیا گیا ہے۔ جبکہ دوسرے حصے میں مختلف سیاسی، اعتقادی، اخلاقی، عبادی اور دیگر موضوعات کو امام علیہ السلام کے فرامین کی روشنی میں بیان کیا گیا ہے۔
اس کتاب کی ایک خوبی یہ ہے کہ اس میں ایک صفحہ پر احادیث کا عربی متن اور دوسرے صفحے پر ان کے اردو ترجمے کو لایا گیا ہے۔
واضح رہے کہ اہل بیت(ع) عالمی اسمبلی نے اہل بیت(ع) کی تعلیمات کو عام کرنے کی غرض سے تاہم ۱۸۰۰ سے زیادہ مختلف موضوعات پر دنیا کی ۵۶ زبانوں میں دینی کتابیں شائع کی ہیں۔