اردو
Thursday 28th of March 2024
0
نفر 0

بیروت میں دوسری بین الاقوامی فلسطین کانفرنس کی اختتامی تقریب

تحریک مزاحمت کے حامی علما کی عالمی یونین کی دوسری بین الاقوامی کانفرنس فلسطین کی حمایت میں اعلامیہ جاری کرنے کے بعد ختم ہو گئی۔ یہ بین الاقوامی کانفرنس بدھ کے روز لبنان کے دارالحکومت بیروت میں شروع ہوئی تھی اور جمعرات کی رات تک جاری رہی۔
تحریک مزاحمت کے حامی علما کی دوسری بین الاقوامی کانفرنس کے اختتامی بیان میں حکومت برطانیہ کی جانب سے ناپاک بیلفور اعلامیہ کے اجرا اور اسرائیل کی حمایت جاری رکھے جانے کی بھی بھرپور مذمت کی گئی ہے۔
بیان میں کہا گیا ہے کہ تحریک مزاحمت ہی، مقبوضہ فلسطین کی آزادی کے الہی وعدے کو عملی جامہ پہنانے کا واحد راستہ ہے اور اسی کے ذریعے سرزمین فلسطین کو آغوش اسلام میں واپس لوٹایا جا سکتا ہے۔
تحریک مزاحمت کے حامی علما کی بین الاقوامی کانفرنس کے بیان میں حکومت برطانیہ کی جانب سے بیلفور اعلامیہ کی حمایت کا اعادہ کیے جانے کی بھی شدید الفاظ میں مذمت کرتے ہوئے لندن کو پچھلی ایک صدی سے جاری خون خرابے اور فلسطینی عوام کی تمام تر مصیبتوں کا ذمہ دار قرار دیا گیا ہے۔
اس بیان میں زمان و مکان کے لحاظ سے مسجد الاقصی کی تقسیم کی مخالفت کرتے ہوئے کہا گیا ہے کہ بیت المقدس ایک عرب اور اسلامی شہر ہے اور آئندہ بھی رہے گا جبکہ مسجد الاقصی بھی ایک مقدس اسلامی مقام کی حیثیت سے ہمیشہ باقی رہے گی۔
تحریک مزاحمت کے حامی علما کی عالمی کانفرنس کے بیان میں بعض عرب ملکوں کی جانب سے اسرائیل کے ساتھ تعلقات معمول پر لانے کی کوششوں کی بھی مذمت کی گئی ہے۔
بیان میں صیہونی حکومت کے خلاف جدوجہد جاری رکھنے پر زور دیتے ہوئے دنیا کے تمام عرب اور اسلامی ملکوں سے فلسطینی عوام کی جدوجہد کی حمایت جاری رکھنے کی اپیل کی گئی ہے۔
تحریک مزاحمت کے حامی علما کے جاری کردہ بیان میں خطے کے ملکوں کی تقسیم کی امریکی صیہونی سازشوں کی جانب بھی اشارہ کرتے ہوئے ان سازشوں کا مقابلہ کیے جانے کی ضرورت پر زور دیا گیا ہے۔
بیان میں یمن کے بحران کی جانب بھی اشارہ کرتے ہوئے یمنی عوام کے خلاف سعودی عرب کی ظالمانہ جنگ کی مذمت کی گئی ہے۔ بیان میں میانمار کے روہنگیا مسلمانوں کی نسل کشی روکنے اور ان کے خلاف تشدد بند کرنے کا بھی مطالبہ کیا گیا ہے۔
قبل ازیں تحریک مزاحمت کے حامی علما کی عالمی کانفرنس سے خطاب کرتے ہوئے عالمی امور میں رہبر انقلاب اسلامی کے مشیر ڈاکٹر علی اکبر ولایتی نے مسئلہ فلسطین کو عالم اسلام کا اولین مسئلہ قرار دیا۔
انہوں نے کہا کہ اسلامی جمہوریہ ایران شروع ہی سے فلسطینی کاز کا حامی رہا ہے اور رہبر انقلاب اسلامی کی ہدایات کی روشنی میں فلسطین کا مسئلہ حل ہونے تک یہ مسئلہ عالم اسلام کے اولین مسئلے کے طور پر باقی رہے گا۔

0
0% (نفر 0)
 
نظر شما در مورد این مطلب ؟
 
امتیاز شما به این مطلب ؟
اشتراک گذاری در شبکه های اجتماعی:

latest article

شیخ زکزاکی کو ان کی اہلیہ سمیت جیل سے نامعلوم جگہ ...
داعش نے اسلام کے نام پر مسلمانوں کا قتل عام کیا: ...
انصار اللہ کی جانب سے بحران یمن کے حل کے لیے ...
مكہ مكرمہ میں قرائت قرآن كے مقابلے كا انعقاد
ظلم و جارحیت سے جھٹکارے کا واحد راستہ، پیغمبر ...
نجران علاقے کو بچانے کے لیے آل سعود کی بڑھتی ...
گلگت بلتستان اسمبلی انتخابات کے نتائج کا اعلان
سعودی حملہ کو شیعہ و سنی ٹکراو کا رنگ و روپ دینے ...
ایران کے شہریزد میں قرآنی علوم کی نمائش کا افتتاح
یمن کے السبعین اسکوائر پر لاکھوں افراد کا ...

 
user comment