سماجی: ایران کے شہر قم کے تبیان قرآن سینٹر کے انچارج نے کہا ہے کہ ماہ مبارک رمضان کے دوران جوان نسل کے لیے اخلاق سمیت تفسیر قرآن کریم کی نشستوں کا اہتمام کیا گیا ہے تاکہ حفظ، قرائت، تفسیر اور تجوید قرآن کریم کے میدان میں اُنھیں کامیابی سے ہمکنار کیا جاسکے
خبر رساں ایجنسی شبستان کی رپورٹ کے مطابق قم شہر کے تبیان قرآن سینٹرز جو ۲۰۰۹ء کو تاسیس ہوئے تھے اُن کا مقصد قرآن کریم کے تخصصی کورسز کا انعقاد ہے
قرآن کریم کے یہ تخصصی سینٹرز تعلیمی کورسز کے ساتھ ساتھ معلم قرآن کے کورسز بھی منعقد کرتے ہیں اور باصلاحیت جوانوں کو جلب کرکے اُنھیں حفظ، قرائت، تفسیر، تجوید اور صوت و لحن کی تعلیم دیتے ہیں۔
صوبہ قم کے قرآن سینٹر کے انچارج مھدی جمالانی نے شبستان کے نامہ نگار سے بات چیت کے دوران ماہ مبارک رمضان میں اخلاق سمیت تفسیر قرآن مجید کی نشستوں کے انعقاد کی خبر دیتے ہوئے کہا ہے کہ اخلاقی نشستوں میں غیبت، تہمت، جھوٹ اور اسلامی معاشرے میں رائج تمام اخلاقی برائیوں کے موضوعات پر بحث و گفتگو کی جاتی ہے
انھوں نے مزید کہا ہے کہ ان سینٹرز میں مذکورہ پروگراموں کے علاوہ نماز جماعت کا قیام، احکام، تفسیر قرآن کریم اور تلاوت قرآن مجید کے پروگرام بھی منعقد ہوتے ہیں
source : http://www.shabestan.net/