مسئلہ حجاب پرعدم توجہ معاشرے کے اخلاقی زوال کا باعث ہے

سماجی: ایران کے شہرجہرم کے ادارہ اسلامی تبلیغات کے سربراہ نے اس شہرمیں حجاب اورپاکدامنی کے اجلاس میں کہا ہےکہ مسئلہ حجاب پرعدم توجہ معاشرے کے اخلاقی زوال کا باعث ہے۔

خبررساں ایجنسی شبستان شعبہ فارس کی رپورٹ کے مطابق جہرم شہرکے ادارہ اسلامی تبلیغات کے سربراہ حجۃ الاسلام محمد رضا حسینی نے ۸فروری کواس شہرکے حجاب اورپاکدامنی کے اجلاس میں کہا ہےکہ پاکدامنی پرعدم توجہ معاشرے کے اخلاقی زوال کا باعث ہے۔

انہوں نے مزید کہا ہےکہ عورت،الہی ربوبیت،خلاقیت،محبت اورجمال کا ایک جلوہ ہے اوریہ تعلیم وتربیت کی بنیادی رکن ہے۔ اگرخواتین اپنی اس منزلت سے آگاہ ہوجائیں اوراس مقام کے تحفظ کی کوشش کریں توپورا معاشرہ سیدھے راستے پرچل سکتا ہے۔

حجۃ الاسلام حسینی نے کہا ہےکہ امام خمینی(رح) کی قیادت میں اسلامی انقلاب کی کامیابی کی وجہ سے لوگوں بالخصوص خواتین کی الہی فطرت بیدارہوئی ہے اورایران کی انقلابی اورمجاہد خواتین نے حجاب اورپاکدامنی کے اسلحہ کے ذریعے شہنشاہی نظام کے خلاف جدوجہد اوراسلامی نظام کے قیام کی غرض سے سرگرمیاں انجام دی ہیں۔

انہوں نے آخرمیں کہا ہےکہ اسلامی جمہوریہ کے نظام میں خواتین وحضرات کا حجاب اورپاکدامنی، دنیا والوں کے لیے ایک آئیڈیل میں تبدیل ہوگیا ہے اورایرانی خواتین نے حضرت فاطمہ الزہرا سلام اللہ علیہا کواپنا آئیڈیل قراردیا ہوا ہے۔