قرآن کریم کی بین الاقوامی نمائش کا افتتاح

ابنا: نمائش کی افتتاحی تقریب میں اسلامی جمہوریہ ایران کے صدر ڈاکٹر محمود احمدی نژاد نے خطاب کرتے ہوئے کہا کہ دنیا کے موجودہ نظام میں تبدیلی کا واحد راستہ قرآن کریم ،آنحضرت ۖ کی تعلیمات اور انسان کامل کی طرف رجعت ہے-

 ڈاکٹر محمود احمدی نژاد نے قرآن کریم کی بین الاقوامی نمائش کے انعقاد کو گرانقدر اقدام قرار دیتے ہوئے مزید کہا کہ دنیا میں قرآنی نظام کی تشکیل صرف اور صرف امام اور انسان کامل کے ہاتھوں ممکن ہے اور اگر ہم دنیا میں قرآن  کی حقیقت اور اسکے الہی ونورانی احکام قائم کرنا چاہتے ہیں ہمیں "مہدوی حکومت " کی تشکیل کی راہ ہموار کرنی چاہيئے –
 قرآنی نمائش کی افتتاحی تقریب میں مختلف  قرآنی موضوعات میں سرگرم 27 ممتاز افراد کو انعامات سے نوازا گیا –
تہران کی20ویں بین الاقوامی قرآنی نمائش  میں ایران ، پاکستان اور ہندوستان سمیت مختلف ممالک سے 150 قرآنی ناشرین اور پبلشرز شریک ہیں – تہران کے مصلای امام خمینی (رہ) میں منعقدہ مذکورہ نمائش 14 اگست تک جاری رہے گی -