شام کے دار الحکومت دمشق میں حرم حضرت رقیہ(ع) کے زائرین کی بس میں کئے گئے بم دھماکے میں ۲۸ شہید اور زخمی ہوئے ہیں۔
اہل بیت(ع) نیوز ایجنسی۔ابنا۔ شام کے دار الحکومت دمشق میں حرم حضرت رقیہ(ع) کے زائرین کی بس میں کئے گئے بم دھماکے میں ۲۸ شہید اور زخمی ہوئے ہیں۔
لبنانی زائرین کی بس جو دمشق کے علاقے ''حمیدیہ‘‘ سے گزر رہی تھی میں اچانک ایک بم دھماکہ ہوا جس میں ۶ افراد کے شہید اور ۲۲ کے زخمی ہونے کی اطلاع موصول ہوئی ہے۔
شام کے ہیومن رائٹس واچ ادارے نے اس حادثے کی مذمت کرتے ہوئے بتایا ہے کہ اس حادثے میں ۷ افراد شہید اور ۲۰ زخمی ہوئے ہیں جبکہ المنار ٹی چینل نے اطلاع دی ہے کہ یہ دھماکہ دمشق کے علاقے الکلاسہ میں ہوا جو حرم حضرت رقیہ(س) کے قریب ہی واقع ہے۔ المنار کی رپورٹ کے مطابق لبنانی زائرین کی اس گاڑی میں کئے گئے بم دھماکے کے سبب ۶ افراد شہید اور ۲۲ زخمی ہوئے ہیں، جبکہ زخمیوں کی حالت بھی تشویش ناک ہے۔
اس ٹی وی چینل کی رپورٹ کے مطابق دھشتگرد ٹولے جبہۃ النصرہ نے اس دھماکے کی ذمہ داری قبول کر لی ہے۔
source : www.abna.ir
