Moskvanın Crocus City Hall konsert zalında İslam dünyası üçün böyük bayram olan – Mavludun-Nəbi (Peyğəmbərin doğumu) – Məhəmməd Peyğəmbərin (s) doğum günü münasibətilə yanvarın 27-də bayram tədbiri keçiriləcək.Məlumatı islam.az SalamNews-a istinadən yayıb. Tədbirin təşkilatçısı olan Rusiya Müftilər Şurasından verilən məlumata görə, Rusiya paytaxtının ən nüfuzlu konsert salonlarının birinin səhnəsində tanınmış rusiyalı və xarici ifaçılar müsəlmanların dini nəğmələrini ifa edəcəklər. Onların arasında azərbaycanlı müğənni – Elgün Quliyev, qazaxıstanlı müğənni Marat Umarov, Türkiyə və Qırğızıstan musiqiçiləri, Bosniya və Herseqovinadan olan vokal kollektivi, rusiyalı nəşid və münacat ifaçıları olacaq.
Qeyd edək ki, Məhəmməd Peyğəmbərin (s) doğum gününə həsr olunmuş bayram proqramı Moskvada yeddinci dəfədir keçirilir.
source : http://az.islam.az
