Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, bu günlər İmam Zaman (Allah onun şərəfli zuhurunu tezləşdirsin) həzrətlərinə xas olan günlərdir.
Belə ki, Hicri Qəməri tarixi ilə Rəbiul Əvvəl ayının doqquzu dünya xalqlarının ümüdü, Dahi İmam həzrəti Məhdinin (Allah təala onun şərəfli gəlişini tezləşdirsin) imamlıq məqamına təyin olunan gündür.
O, mütləq gələcək və dünyanı zülm və çaşqınlıqlardan pak edərək ədalətlə dolduracaq.
Biz ABNA olaraq bu xoş günləri başda İmam Zaman (əccələllahu təala fərəcəhuş şərif) həzrətlərinə, onun haqq naibi İmam Xamenei cənablarına, ali təqlid mərcələrinə və bütün dünya xalqlarına xüsusi ilə də, Əhli Beyt (əleyhimus səlam) Məktəbinin davamçılarına təbrik ərz edirik.
Bu münasibətlə saytımızın hörmətli ziyarətçilərinə İmam Zaman (Allah onun şəhərfli zühurunu tezləşdirsin) həzrətlərinin Kərbəla şəhərindəki “Məqamı”nın (admin: yəni O həzrətin namaz qılıb dua etdiyi məkan) görüntülərini təqdim edirik.
Qeyd edək ki, “İmam Zaman Məqamı” Kərbəla şəhərində yerləşən çox əhəmiyyət kəsb edən və dəyərli ziyarətgahlardan biri sayılır. Bu ziyarətgah İmam Huseynin (əleyhi səlam) adı ilə məşhur olan Çayın kənarında, İmam Hüseyn (əleyhi səlam) həzrətlərinin hərəmindən bir az aralıqda yerləşir.
Allah cümlə bəşəriyyətə bu İlahi məkanların ziyarətlərini nəsib etsin. Amin!
