Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, “Taliban” Əfqanıstan hökuməti ilə danışıqlara hazır olduğunu bəyan edib
Əfqanıstanın "Taliban" terror hərəkatının lideri Molla Ömər ölkə prezidenti Əşrəf Ğəni Əhmədzay ilə sülh danışıqları aparmağa hazır olduğunu bəyan edib.
Danışıqların növbəti həftə Kabildə başlayacağı gözlənilir.
“Biz əfqan hökuməti ilə sülh danışıqlarına hazırıq. Gözlənildiyinə görə, bu danışıqlar gələn həftə Kabildə başlaya bilər”, - deyə hərəkat liderinin nümayəndəsi Qari Di Məhəmməd bildirib.
Məhəmməd sülh danışıqlarının gündəliyini açıqlamayıb, lakin qeyd edib ki, Şura ilə məsləhətləşmələr aparır. Onun sözlərinə görə, nümayəndə heyətinin tərkibini Molla Ömər özü seçəcək.
Diqqət: Xəbərdən istifadə etdikdə mənbəyə istinad lazımdır
source : abna
