Beynəlxalq şöbə: İslami Məzhəblərin Yaxınlaşması üzrə Ümumdünya Assambleyasının dəstəyi ilə "Əl-Vəhdət" peyk kanalı ərəb dilində öz sınaq yayımına başlayıb. Bu kanal İraqda təsis olunub.
İQNA Quran Xəbər Agentliyinin məlumata görə, "Əl-Vəhdət" kanalı məzhəblərarası yaxınlaşma sahəsində və eləcə də islam ümmətinin məsələlərini işıqlandıran ixtisaslaşmış yeganə kanaldır. Bu kanal şiə və sünni ekspert və incəsənət xadimləri tərəfindən idarə olunur. Kanalın sınaq yayımı Ərəbsat peykində (12029 MHs tezliyində)öz işinə başlayıb.
İslami Məzhəblərin Yaxınlaşması üzrə Ümumdünya Assambleyasının baş katibi Ayətullah Təsxiri öncədən bu kanalın işə başlaması ilə bağlı demişdi ki, "Əl-Vəhdət kanalı rəsmi şəkildə oktyabr ayında Ərəb dilində yayıma başlayacaq və dünyanın hər bir nöqtəsində onu müşahidə etmək mümkün olacaq". Təsxiri əlavə edib ki, zaman keçdikcə bu kanal digər dillərdə də yayımına başlaycaq.
source : www.iqna.ir