Peyğəmbər(s)-ın vəfatı, İmam Həsən(ə)-ın şəhadəti günü anılacaq

31 dekabr (Səfər ayının 28-i) bəşəriyyətin nicatı üçün Allah tərəfindən seçilmiş sonuncu Peyğəmbər Rəsuli Əkrəmin(s) vəfatı və O Həzrətin əziz nəvəsi İmam Həsən Müctəbanın(ə) şəhadəti günüdür. Dünyanın iki milyardlıq müsəlman ümməti bu günü hörmətlə yad edəcək, əza saxlayacaqdır.

Peyğəmbər(s)-ın vəfatı, İmam Həsən(ə)-ın şəhadəti günü anılacaq

Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Allah-təalanın bizlərə və bütün aləmlərə rəhmət əzminin hidayət təcəllası olan xətmi-Rəsulullahı(s) vəfatı və O Həzrətin məsum Əhli-beytindən olan İmam Həsəni(ə) şəhadəti günündə anmaqla əza saxlamaq dünyanın 50 milyonluq müsəlman azərbaycanlılarının da üzərinə düşən müqəddəs vəzifədir.

Azərbaycan İslam Partiyası Peyğəmbər(s)-ın və ikinci İmamın şəhadətini anmaq, şəhidlər diyarı Azərbaycanın azadlığı, torpaqlarımızın bütövlüyü və dinimizin qorunması uğrunda canlarından keçmiş şəhidlərin məzarlarını ziyarət etmək üçün bütün inanclı insanları, din, Vətən, torpaq təəssübkeşlərini bölgələrdə və paytaxtdakı "Şəhidlər xiyabanı"nda ziyarət etməyə dəvət edir.

Tədbirlər dekabrın 31-i, saat 11-00-da başlanacaq.

Allah ziyarətinizi və dualarınızı qəbul etsin. Amin!