вердиjи хәбәрә әсасән, 25 сентjабр - 30 Зүлгәдә 9-ҹу Имам Мәһәммәд Тәги (ә)-ын шәһадәт ҝүнүдүр.
Имам Мәһәммәд Тәги (ә) һиҹри 195-ҹи илдә шиәләрин интизары сона чатды вә һәзрәт имам Мәһәммәд Тәги әлеjһиссалам Мәдинә шәһәриндә Хәjзәран адлы анасындан дүнjаjа ҝөз ачды. Хәjзәран Пеjғәмбәрин һәjат jолдашы олан Мариjә Гибтиjjәнин нәслиндән иди ки, әрәбләрин арасында паклыг вә инсанлыг кими дәjәрли сифәтләр илә танынмышдыр.
Ҹәми 25 ил өмрү олан имам Ҹавад (ә) 17 ил мүсәлманлара рәһбәрлик едиб. Атасы имам Рза (ә) Мәмун тәрәфиндән шәһид едилдикдә Имам Мәһәммәд Тәгинин (ә) ҹәми 8 jашы олуб.
Доггузунҹу имам Ҹавад (ә) доггуз jашында икән имамлыг вәзифәсинә чатыб. Имамын сәһабәләриндән бири бу барәдә белә деjир: "Мәдинәдә о һәзрәтин әмиси Әли ибни Ҹәфәр халг арасында хүсуси һөрмәт саһиби иди вә һәр вахт мәсҹидә ҝәлдикдә һамы әтрафына jығышыб мәсәләләрини ондан сорушурдулар."
Имамын шәһид олмасы барәдә мүхтәлиф рәваjәтләр нәгл олунмушдур. Бөjүк тарихчи Ибни Шәһрашуб бу барәдә белә jазыбдыр:"Мөтәсим имама гаршы бәсләдиjи кин-күдурәт үзүндән имамын арвады Үммү Фәзли о һәзрәти өлдүрмәjә тәһрик етди. Мүхтәлиф вәдә вә һәвәсләр Үммү Фәзли имамы зәһәрләjиб шәһид етмәjә вадар етди. О һәзрәт (ә) 220-ҹи Һиҹри-гәмәри илиндә 25 jашында икән, шәһид олунду. Пак бәдәнини бабасы имам Мусеjи Казим әлеjһиссаламын гәбринин jанында торпаға тапшырылды. Бу ики имамын мәзары Казимеjн ады илә таныныр вә шиәләрин зиjарәтҝаһыдыр".
Рәваjәтләрә ҝөрә, кичик олмасына бахмаjараг, имам Ҹавад (а) атасы шәһид едилдикдән сонра, ону Хорасанда Мәмунун сараjында зиjарәт едиб. Һазырда Мәшһәд шәһәриндәки имам Ризанын (ә) зиjарәтҝаһына апаран гапылардан бири бу һадисәjә ишарә едәрәк "Баб ул-Ҹавад" (Ҹавад гапысы) адланыр.
Һәзрәтин ләгәбләринә мисал олараг Тәги вә Ҹавад адларыны нүмунә ҝөстәрмәк олар.
Имам Ҹавад (ә)-ын һәjатындан бәзи рәваjәтләр
Имам Рза әлеjһиссаламын баҹысы Һәкимә белә деjир:"Һәзрәтин дүнjаjа ҝәлдиjи ҝеҹә гардашым мәнә әмр етди ки, һәjат jолдашынын jанында олум. Көрпә дүнjаjа ҝәлдикдән сонра ҝөjә бахыб төвһид вә ислам пеjғәмбәринин рисаләтинә шәһадәт верди. Мән бу һадисәдән сарсылараг гардашымын jанына ҝәлиб әһвалаты олдуғу кими она данышдым." Гардашым исә мәним ҹавабымда белә буjурду: "Баҹы, нараһат олма һәлә бундан сонра да мараглы һадисәләрин шаһиди олаҹагсан."
Бу тәвәллүд чох мүбарәк вә үмидвериҹи иди. Чүнки шиәләри чашгынлыг вә шәк-шүбһәдән гуртармышды.
Бу барәдә Нөвфәли белә демишдир:"Һәзрәти Имам Рза әлеjһиссаламдан Хорасан сәфәри әснасында "мәнә ҝөрә бир әмриниз jохдурму?" - деjә сорушдум. Һәзрәт (ә) буjурду: "Сән мәндән сонра өвладыма табе олмалы вә мәсәләләрини ондан сорушмалысан."
Имам (ә) һәмишә әсһабына белә буjурурды: "Мәнә jазыб мәндән сорушмағыныз лазым деjил. Мәндән сонра имам олан бу балаҹа ушагдан сорушун." Әсһабындан бәзиләри бу ушағын үммәтә рәһбәрлик вәзифәсини неҹә jеринә jетирәҹәjини тәәҹҹүблә сорушдугда, о һәзрәт (ә) буjурарды: "Аллаһ-таала һәзрәти Исаны Әбуҹәфәрдән даһа кичик икән пеjғәмбәрлиjә сечди. Пеjғәмбәрлик вә имамлыгда jашын мүәjjән бир тәсири jохдур."
Әһли Беjт (әлеjһимус сәлам) -АБНА- Хәбәр Аҝентлиjинин коллективи олараг имам Мәһәммәд Тәгинин (ә) шәһадәтә jетишдиjи ҝүндә дүнjа мүсәлманларына башсағлығы веририк.
Диггәт: Хәбәрдән истифадә етдикдә мәнбәjә истинад лазымдыр
source : www.abna.ir
