Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Fuad Məsum Ayətullah Sistaniyə öz təşəkkürünü bildirib
İraq prezidenti bu ölkədə terrorçu İŞİD qruplaşmasının nüfuzunun dayandırılmasında Ayətullah Sistaninin oynadığı böyük roluna işarə edərək ona öz təşəkkürünü bildirib.
Fuad Məsum həmçinin İran Sepahının Qüds komandanı general Süleymaninin də bu istiqamətdəki səylərinə görə məmnunluq ifadə edib.
Əl-Məslə internet portalı İraq prezidentinin bəyanatına istinadla bildirib: Ayətullah Sistaninin verdiyi fitvanın ardınca terrorçu İŞİD-in Bağdada doğru irəliləyişinin qarşısı alındı və beləliklə İraqın könüllü səfərbər qüvvələrinin silah daşıması və ya İŞİD-ə qarşı mübarizə aparılmasında böyük rol oynadı.
Fuad Məsum xatırladıb: İraq ordusunun dağılması ardınca ölkədə xəlqi qüvvələr və batalyonlar Mosulda və digər bölgələrdə İŞİD-in təhlükəsini Bağdaddan dəf edə bildilər.
İraq prezidenti eləcə də İŞİD-ə qarşı mübarizədə Sepahın Qüds komandanı general Qasim Süleymaninin bu terrorçu qruplaşmaya qarşı mübarizədəki diqqəti cəlb edəcək roluna işarə edərək deyib: İraqda terrorçu İŞİD qüvvələrinə qarşı hücumların dayandırılmasında bu iranlı generalın da rolu nəzərə çarpacaq dərəcədə böyük olmuşdur. Belə ki, İran dərhal İraqın Kürdüstan məntəqəsində peşmərgə qüvvələr və İraq ordusunu silahla təmin etdi.
Diqqət: Xəbərdən istifadə etdikdə mənbəyə istinad lazımdır
source : www.abna.ir
