Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Allahşükür Paşazadə Mixail Qorbaçovu beynəlxalq məhkəməyə verməyə çağırıb
"Dünya bilməlidir ki, XX əsrdə totalitarizmin törətdiyi ən qanlı terror aktları sırasında Azərbaycan xalqına qarşı törədilmiş kütləvi terror da var"
Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə SSRİ prezidenti Mixail Qorbaçovu beynəlxalq məhkəməyə verməyə çağırıb.
Bu barədə Allahşükür Paşazadə Qafqaz Müsəlmanları İdarəsinin (QMİ) sədri Şeyxülislam Hacı Allahşükür Paşazadə 20 Yanvar şəhidlərinin yaxınları ilə görüşdə deyib.
Şeyxülislam bildirib ki, 20 Yanvar hadisələri Sovet rəhbərinin göstərişi ilə Azərbaycanın xalqın azadlıq hissini, haqlı tələbini qan içində boğmaq cəhdi idi: "Ona görə də Azərbaycan xalqının tam haqqı var ki, əlləri qanına bulaşmış qatillərini, xüsusilə Mixail Qorbaçovu məhkəməyə versin. Dünya bilməlidir ki, XX əsrdə totalitarizmin törətdiyi ən qanlı terror aktları sırasında Azərbaycan xalqına qarşı törədilmiş kütləvi terror da var. Qarabağ münaqişəsi də 20 Yanvar cinayətinin davamı oldu. Xalqı buna qiymət verilməsini tələb etməlidir".
Diqqət: Xəbərdən istifadə etdikdə mənbəyə istinad lazımdır
source : www.abna.ir
