Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Lənkəran polisi daha bir inanclını həbs edib.
Belə ki, Lənkəran şəhər sakini Rauf Huseynov polis şöbəsinə çağrılıb.
Onun həbs olunmasına səbəb kimi hələ ki, heçnə göstərilməsədə ehtimal olunur ki, o, bir neçə gün bundan öncə manatın dəyərdən düşməsi ilə əlaqədar olaraq sosial şəbəkələrdə etiraz aksiyası üçün keçirilən toplantının təşkilatçılığında ittiham olunur.
Məlumata görə, Rauf Huseynov barəsində ictimai asayişi pozma maddəsiylə Lənkəran Şəhər Məhkəməsi 7 sutka həbs qərarı çıxarıb.
Qeyd edək ki, bir neçə gün bundan öncə Lənkəran Şəhər-Rayon Polis Şöbəsinin əməkdaşları rayon inanclısı Bilal Hüseynlini saxlayaraq polis şöbəsinə aparıb. Saxlanılan inanclının yaxınları saxlanma səbəbin soruşduqda bildiriblər ki, B.Hüseynlinin saxlanma səbəbi manatın dəyərinin aşağı düşməsi və qiymətlərin bahalaşmasına etiraz olaraq aksiya təşkil etməsidir. Yaxınları bildiriblər ki, Bilal Hüseynli polis şöbəsindən çıxarılaraq aksiya təşkilatçısı kimi Lənkəran Şəhər Məhkəməsinə aparılıb. Lənkəran məhkəməsində də onun barəsində 7 sutka həbs qərarı çıxarılıb.
Diqqət: Xəbərdən istifadə etdikdə mənbəyə istinad lazımdır
source : abna
