![Alman ordusunda İŞİD təhlükəsi Alman ordusunda İŞİD təhlükəsi](https://erfan.ir/system/assets/imgArticle/2015/03/59950_429143_m.jpg)
Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Alman hərbi kəşfiyyat idarəsinin başçısı “Die Welt” qazetinə verdiyi müsahibəsində ölkədə baş verəcək xətər haqda xəbərdarlıq edib.
Kritef Qram ölkə hərbi qüvvələri sırasında ifratçı dini meyilli şəxslərin olduğunu və onların xüsusi hərbi təlimlər gördüklərini bildirərək deyib: “Bu günə kimi Alman hərbi hissələrində xüsusi hərbi təlimlər keçən hərbiçilərdən 20 nəfəri Suriya və İraqa gedərək İŞİD terror birləşməsinə qoşulublar.”
Alman hərbi kəşfiyyat idarəsinin başçısı daha sonra deyib: “Artıq hərbi xidmətə götürülən şəxslər haqda qabaqcadan ətraflı axtarışlar aparılır. Belə ki, hərbi qulluq etmək istəyən şəxsin yaxınlarından, dost və aşnalarından, imkan daxilində onun ifratçı dini sektalarla əlaqədar olması haqda tədqiq olunur.”
Qeyd edək ki, qeyri rəsmi məlumatlara görə, bu günə kimi təkcə Almaniyadan Suriya və İraqa gedərək İŞİD və digər terror qruplaşmaları sırasına qoşulanların sayı 1000 nəfərdir.
Diqqət: Xəbərdən istifadə etdikdə mənbəyə istinad lazımdır
source : abna