Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, 11 Aprel, 2015 tarixdə yerli vaxtla 20:00 radələrində Banqladeş Cəmaət İslami partiyasının lideri Muhəmməd Qəmər Zaman 1971- ci ildə baş verən müharibədə kütləvi qırğınlar törətməkdə təqsirli bilindiyi üçün edam olunub.
Vəkil Şişir Munir də, müvəkkili Muhəmməd Qəmər Zamanın edam xəbərini təsdiqləyərək bildirib: “Muhəmməd Qəmər Zaman əfv olunması ilə əlaqədar ölkə prezidentinə müraciət etməkdən çəkindiyi üçün onun edam hökmü icra olundu.”
Qeyd edək ki, Banqladeş Xalq Cumhuriyyəti Pakistan meyilli yarımhərbiçi dəstələrin başçılarından biri olan Muhəmməd Qəmər Zamanı 1971 –ci ildə ölkənin müstəqilliyi zamanı minərlə banqladeşlini oğurlayıb işgəncələr verib, kütləvi sürətdə insanları öldürməkdə ittiham edib.
Xatırladaq ki, Banqladeş 12-ci əsrdən 1757-ci ilə kimi Müsəlmanların idarəsində olmuşdur. 1757-1905-ə kimi isə işğalçı ingilislərin hakimiyyəti altına düşmüşdür. 1947-ci ildə Pakistanın "Şərqi Pakistan" əyaləti kimi tanınan bu ərazi 1969-cu ilə kimi Pakistanın tabeçiliyndə qalmaqda davam etdi. Daha sonra 1971-ci ildə Hindistan - Pakistan müharibəsi başladığı zaman həmin ilin dekabrında başa çatdıqdan sonra Hindistan artıq Şərqi Pakistanın böyük bir hissəsini işğal etmişdi. 1971-ci il 22 dekabrda Mucib-ür-Rəhman'ın başçılığı ilə Banqladeş Müsəlman Xalq Cumhuriyyəti yaradılır və Hindistan buranı tərk edir.
source : abna
