Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Nigeriyada möhkəmlənən "Boko-Haram" terror qruplaşmasına mənsub silahlılar qonşu Kamerun sərhədini keçərək iki kəndə hücum ediblər və azı 10 sakini qətlə yetiriblər.
İnterAz "Reuters"-ə istinadən xəbər verir ki, bu barədə Kamerunun hərbi mənbələrindən məlumat veriblər.
"Boko-Haram səhərin erkən saatlarında Kolofata rayonunun Bia və Blaberi kəndlərinə qəfil hücum edib." - adını açıqmayan mənbə "Reuters"-ə bildirib. Onun sözlərinə görə, ordu qüvvələrinə əraziyə çatana kimi terrorçular Nigeriya sərhədlərinə tərəf geri çəkiliblər.
Bildirək ki, Nigeriya, Çad, Niger və Kamerunun birgə hərbi qüvvələri terrorçu qrupun bu il sərhəd zonalarında işğal etdiyi xeyli ərazliləri geri ala bilib. Sonuncu hücumun Kamerun ərazisində son həftələr qeydə alınan ilk hücum hesab edilir.
Diqqət: Xəbərdən istifadə etdikdə mənbəyə istinad lazımdır
source : abna
