Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Səudiyyə Ərəbistanının Tehrandakı səfirliyinin müvəqqəti işlər vəkili Yəmən paytaxtı Səna beynəlxalq aeroportunda İran təyyarəsinin enməsinin qarşısını almağa etiraz əlaməti olaraq İran İslam Respublikasının Xarici İşlər Nazirliyinə çağırılıb.
Ərəbistanın Tehrandakı səfirliyinin müvəqqəti işlər vəkili cümə axşamı günü ikinci dəfə olaraq İran XİN-ə çağırılıb və İran İslam Respublikasının Səudiyyə Ərəbistanı qırıcı təyyarələrinin İranın humanitar yardım aparan təyyarəsinin Səna aeroportuna enməsinin qarşısını almaların sərt etirazı ona bildirilib.
İran XİN-in Fars Körfəzi İdarəsinin baş direktoru Ərəbistanın Tehrandakı səfirliyinin müvəqqəti işlər vəkili ilə görüşdə deyib: İran Yəmən xalqına dərman preparatı və yaralıları Sənaya nəql edən Qırmızı Aypara Cəmiyyətinin əməkdaşları və uçuş personallarının canını təhlükəyə atan Səudiyyə Ərəbistanı qırıcı təyyarələrinin hərəkəti heç bir vəchlə qəbul etmir və onu insan meyarları və beynəlxalq aeronavtika qanunlarına zidd davranış hesab edir.
İran XİN-in Fars Körfəzi İdarəsinin baş direktoru Yəmən xalqına humanitar yardım və son bombardmalar nəticəsində yaralananların müalicəsi və nəqli üçün İran İslam Respublikasının səylərinin davam edəcəyini vurğulayaraq Yəmənə hava hücumların dərhal dayandırılması və qeyri-insani mühasirəyə son qoyulması, eləcə də hazırkı dalandan xilas olmaq üçün yeganə həll yolu olan yəmənli-yəmənli danışıqların başlanmasına şəraitin yaradılmasına ümidvarlıq edib.
Ərəbistan qırıcı təyyarələri çərşənbə axşamı günü İranın humanitar yardım aparan təyyarəsinin Səna aeroportuna enməsinin qarşısını alaraq bu aeroportun 3-cü eniş zolağını və əl-Hədidə aeroportunu bombaladılar.
Bundan öncə ötən cümə axşamı günü Tehranda müalicə almış yəmənli yaralılardan 95 nəfəri aparan İran təyyarəsi su, ərzaq və dərman preparatlarına şamil humanitar yardımalrla birlikdə Mehrabad hava limanından Sənaya yola düşmüş və 5 saat uçuşdan sonra səudiyyəlilərin maneəsi və hərbi təhdidi nəticəsində bu təyyarə Səna Beynəlxalq aeroportuna eniş edə bilməmişdi.
Diqqət: Xəbərdən istifadə etdikdə mənbəyə istinad lazımdır
source : abna
