Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən,Tehranın müvəqqəti imam cüməsi Qərb dövlətlərinə nüvə işinin həlli bəhanəsi ilə İranın hərbi mərkəzlərində təftiş aparmaq icazəsinin verilməsi qeyri-mümkün və İran İslam Respublikası qanunlarına ziddir.
Höccətülislam vəlmüslimin Kazım Sədiqi bu gün Tehranın cümə namazı xütbələrində İran və 5+1 qrupu arasındakı nüvə müzakirələrinə və qərblilərin həll yolu olaraq İranın hərbi mərkəzlərində təftişə icazənin verilməsi təklifi ilə çıxış etmələrinə işarə edərək, deyib: Onlara istədikləri zaman, istədikləri məkanda azad formada təftiş aparmaq icazəsinə malik olmaları icazəsinin verilməsi qanuna ziddir və İran İslam Respublikası bunu qəbul etməyəcək.
Tehranın cümə namazı xətibi İran İslam Respublikasının qarşı tərəfin hər istəyini yerinə yetirməyəcəyini deyərək, əlavə edib: İran İslam Respublikasının qırmızı xətləri İslam İnqilabının Böyük Rəhbəri tərəfindən təyin edilir və o həzrətin baxışlarına zidd olan məsələ qəbuledilməzdir. Höccətülislam vəlmüslimin Kazım Sədiqi nüvə elmini İran xalqının böyük sərmayəsi və ölkə iqtisadiyyatının çiçəklənməsi amili adlandırıb və deyib: Bu elmdən tibb, energetka və kənd təsərrüfatı sahəsində istifadənin edilməsi ölkənin xarici ölkələrdən asılılığını aradan qaldırıb. Tehranın müvəqqəti imam cüməsi əlavə edib: İranın nüvə müzakirəçiləri İslam İnqilabının Böyük Rəbəri və İran xalqı tərəfindən himayə olunurlar və nüvə müzakirələrində İran xalqının izzətini iqtidarla müdafiə edirlər. Höccətülislam vəlmüslimin Kazım Sədiqi amerikalıların sədaqətsizliyinə də işarə edib və bunun tarix boyu dəfələrlə sübuta yetirildiyini bildirib və deyib: İran və 5+1 qrupu arasında anlaşmanın əldə olunduğu bir şəraitdə amerikalılar tərəfindən İrana qarşı sanksiyaların artırılması onların necə bir fırıldaqçı olduqlarını bir daha ortaya qoymuş oldu.
Tehranın cümə namazı xətibi daha sonra İraq, Liviya və Yəmən kimi region ölkələrində gərginliyin yaradılmasını ABŞ-ın maraqları istiqamətində adlandırıb və deyib: Qərb müxtəlif bəhanələr və zorakılıq ilə region xalqlarının sərvətini qarət etmək, onları istila altına almaq istəyirlər. Tehranın müvəqqəti imam cüməsi sonda İranın terrorçular ilə mübarizədə Suriya və İraqa yardımlarını davam etdirəcəyini bildirib və deyib: İŞİD kimi terrorçu qruplaşmalar ilə mübarizədə region ölkələri əməkdaşlıq etməlidirlər
Diqqət: Xəbərdən istifadə etdikdə mənbəyə istinad lazımdır
source : abna
