Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Azərbaycanda Şiə kütləsinə qarşı zorakılıq halları səngimir. Belə ki, dünən, iyunun 29-da ciddi rejimli Qobustan qapalı həbsxanasında məhbus həyatı yaşayan Azərbaycan İslam Partiyasının sədri Mövsüm Səmədov ailə üzvləri ilə görüşüb.
İslaminsesi.org-un verdiyi məlumata görə, doğmalarının hacı ilə ilə görüşü çox çətinliklə baş tutub. Onlar saatlarla səbəbsiz yerə gözləməyə məcbur edilib, evdən onun üçün gətirilən ərzaq bağlamasının qəbul edilməsi də saatlala vaxt aparıb.
Qeyd edək ki, iyunun 25-də Mövsüm Səmədovun qanunsuz olaraq həbsxanadakı təcridxanada saxlanması müddəti başa çatıb.
Mətbuatda bunu müxtəlif səbəblərlə izah ediblər. “Kars”a salınma səbəbinə isə AİP sədri özü aydınlıq gətirib. Ailə üzvlərinin dediyinə görə, hacı kamera yoldaşına edilən haqsızlığa və dözülməz münasibətə etiraz etdiyi üçün sərt şəkildə cəzalandırılaraq 15 günlük “kars”a salınıb.
Mövsüm Səmədovun səhhətinin və mənəvi durumunun qaydasında olduğu virğulanıb. AİP sədri müqəddəs Ramazan ayının gəlişi münasibətilə bütün Azərbaycan xalqını təbrik edib: “Mübarək ay xalqımıza sağlamlıq, bərəkət, azadlıq və xoş güzəran gətirsin. Bu xeyirli günlərdə dualarınız qəbul olsun. Dualarınızı əskik etməyin”.
Diqqət: Xəbərdən istifadə etdikdə mənbəyə istinad lazımdır
source : abna