Xəbər Agentliyinin verdiyi xəbərə əsasən, Qazax rayon sakini, Əhməd Seyyidov küçəsi, ev 3-də yaşayan, həmin evin həyətində min bir zəhmət çəkib İmam Zaman (ə) adına məscid tikdirən Rəşad Əkbərovun xanımı Əzimova Röyalə tərəfindən saytımıza məktub və müraciət daxil olub.
Məlumatda deyilir:
"Həyat yoldaşım Bakıda səfərdə idi. Bundan sui-istifadə edən vəhabiyönlü axund İlham hoca, onun müavini Zaur və iki saqqallı vəhhabi noyabrın 7-si axşam saat 6 radələrində qapını döyüb mənə və iki azyaşlı uşaqlarıma açıq-aşkar hədə qorxu gəlib bu rayondan köçməyimizi tələb etdilər. Uşaqlar və mən qorxu içində idik. Onların üzündən qəzəb yağırdı. Mən Allaha sığınıb – "bura bizim torpağımız və evimizdir. Heç yerə getmək də niyyətimiz yoxdur" - dedikdə, onlar üstümə qışqırdı və axırıncı xəbərdarlığı deyib getdilər: "Əgər burdan getməsəniz, uşaqlarınızı öldürəcəyik."
İki uşaq anası sözünün davamında deyir: "Artıq bu dövlətdə əmin-amanlıq qalmayıb. Zülm baş alıb gedir. Şikayət və naləmizi nə polis idarəsi, nə də QMİ eşidir.
Ey Əhli-beyt aşiqləri! Allaha təvəkkül edib sizlərdən xahiş edirəm ki, bizim haqq səsimizi dünyaya çatdırın.."
Diqqət: Xəbərdən istifadə etdikdə mənbəyə istinad lazımdır