Nigeriyalı Əhli-Beyt (ə) ardıcıllarının kütləvi şəkildə öldürülməsi üçün heç bir əsgər cinayət məsuliyyətinə cəlb olunmamasına baxmayaraq, Kaduna hökuməti, Şeyx Zəkzəkini əsgərin ölümünə görə mühakimə edir.
Əhli Beyt (əleyhimus-səlam) - ABNA – Xəbər Agentliyinin verdiyi xəbərə əsasən, İyulun 16-sı minlərlə nigeriyalı ölkədə Əhli-Beyt (ə) ardıcıllarının rəhbəri Şeyx İbrahim Zəkzəkiyə azadlıq tələbilə paytaxt Abucada növbəti mitinqlərini keçirib.
Nigeriya əsgərlərinin 2015-ci il 12 dekabr tarixində Zariyadakı Bəqiyyətullah hüseyniyyəsinə hücum edərək, rəsmi rəqəmlərə görə, 2000 Əhli-Beyt (ə) ardıcılını öldürdüyü hücumda bir nigeriyalı əsgərin də öldüyü iddia olunur.
Nigeriyalı Əhli-Beyt (ə) ardıcıllarının kütləvi şəkildə öldürülməsi üçün heç bir əsgər cinayət məsuliyyətinə cəlb olunmamasına baxmayaraq, Kaduna hökuməti, Şeyx Zəkzəkini əsgərin ölümünə görə mühakimə edir.
Nigeriya Əhli-Beyt (ə) ardıcıllarının rəhbəri və xanımına qarşı Kaduna Federal Ali Məhkəməsində 8 ittiham irəli sürülüb və məhkəmənin növbəti iclasının avqustun 2-də davam etməsi gözlənilir.
İyulun 16-sı küçəyə çıxan minlərlə nigeriyalı Əhli-Beyt (ə) ardıcılı təhlükəsizlik qüvvələri tərəfindən öldürülən tərəfdarlarının şəkillərini qaldırıblar.
Əvvəlki etiraz aksiyalarına polis sərt müdaxilə etsə də, dünən keçirilən mitinq dinc şəraitdə və heç bir müdaxilə olmadan davam etmişdi.
![](http://azl.abna24.com/upload/image/2018/07/17/1db117e03e25b0a853522f07cf67cbbd_848.jpg)
![](http://azl.abna24.com/upload/image/2018/07/17/8bcb90626a14e29fddb078fadda088a4_385.jpg)
![](http://azl.abna24.com/upload/image/2018/07/17/c046fa923ec6e564151836248a25e8b5_973.jpg)