Beynəlxalq şöbə: Azərbaycanda son zamanlar təhsil müəssisələrində hicaba qarşı başladılan təzyiqlərə artıq ölkə xaricində də etirazlar səslənir.
İQNA Quran agentliyinin "islam-azeri.az" internet qəzetinə istinadən məlumatına əsasən, Kanadada fəaliyyət göstərən Müasir Təfəkkür İnstitutu və Şimali York İslami Cəmiyyəti Azərbaycanın Kanadadakı səfirliyinə etiraz məktubu göndəriblər.
Məlumata əsasən, Bu cür etiraz məktubu Kanadanın Şiə Müsəlmanlar Təşkilatı tərəfindən də Azərbaycanın Kanadadakı səfirliyinə ünvanlanıb.
Məktubda 2011-ci ilin yanvarından etibarən Azərbaycanın təhsil müəssisələrinə müsəlman xanımların hicabla buraxılmamasına dair planlar qətiyyətlə pislənilir.
Adı qeyd olunan təşkilat Azərbaycan hökümətindən inanclıların hüquqlarını tapdalamamaq və onların konstutusiyada təsbit edilən hüquqlarını təmin etməyi tələb edir.
source : www.iqna.ir