|
Qərara alınıb ki, nazirlər mütəmadi görüşlər keçirərək bölgədəki məsələlərin həllinə dair müzakirələr aparsınlar.
|
Əhli Beyt -ABNA- xəbər agentliyinin verdiyi xəbərə əsasən:
İstanbulda İran, Türkiyə və Azərbaycan xarici işlər nazirləri Əli Əkbər Salehi, Əhməd Davudoğlu və Elmar Məmmədyarov arasında üçtərəfli görüş olub.
Görüş İqtisadi Əməkdaşlıq Təşkilatına (İƏT) üzv ölkələrin dövlət və hökumət başçılarının zirvə toplantısı çərçivəsində baş tutub. Görüşdən sonra tərəflər birgə bəyanatla çıxış ediblər. Bəyanatda qeyd olunub ki, xarici işlər nazirləri ölkələr arasında tarixi, mədəni, iqtisadi, dostluq münasibətlərini, regionda və qlobal dünyada sülhün təmin olunması, bölgədə silah, narkotik və insan ticarətinə qarşı mübarizə tədbirləri, dondurulmuş münaqişələrin dövlətlərin ərazi bütövlüyü çərçivəsində həllinə dair müzakirələr aparıblar.
Qərara alınıb ki, nazirlər mütəmadi görüşlər keçirərək bölgədəki məsələlərin həllinə dair müzakirələr aparsınlar.
Növbəti görüşün İranda keçirilməsi qərara alınıb.
source : www.abna.ir
