Türk jurnalistin ingiliscə sual verməsi İran İslam Respublikası prezidentinin xoşuna gəlməyib.
xəbər agentliyinin verdiyi xəbərə əsasən: İran prezidenti Mahmud Əhmədinejad paytaxt Tehranda yerli və xarici jurnalistlər üçün mətbuat konfransı keçirib.
Milli.Az xəbər portalının Türkiyə KİV-nə istinadən verdiyi məlumata görə, türk jurnalistin ingiliscə sual verməsi İran prezidentinin xoşuna gəlməyib. O, Türkiyə telekanallarından birinin əməkdaşına “Türkcə danış, mən də başa düşüm, buradakılar da. Türkiyədən gəlibsən, amma ingiliscə danışırsan” deyə bildirib.
İran İslam Respublikası prezidenti jurnalistin sualına cavab verdikdən sonra gülümsəyib və türk dilində iki dəfə “Sağ ol” deyib.
Qeyd edək ki, Mahmud Əhmədinejad əslən fars olsa da, azərbaycanlıların yaşadığı Maku və Xoyda, o cümlədən, Ərdəbildə dövlət vəzifələrini tutub. O, keçən il İstanbulda keçirdiyi mətbuat konfransında tərcüməçi problemi yarandığından, türkcə danışmışdı.
source : ابنا
