“Bütün dünya bilir ki, İran İslam Respublikası bölgənin ən böyük hərbi gücüdür. Biz bu sözləri dostluğumuza görə, sizin xeyirinizi nəzərə alıb deyirik. Hegemon güclərlə dostluq etmək bölgə ölkələrinə xeyir gətirməyəcək. Çünki hegemon dövlətlər hər şeyi öz maddi maraqları üçün istəyir. Onlar müxtəlif millətlər və ölkələr arasında qarşıdurma yaratmağa çalışırlar. Bölgə dövlətləri öz xalqlarının yanında olmalı, onların hüquqlarını tanımalıdır”.
Əhmədinejadın bölgə ölkələrinə tövsiyəsi
Əhli Beyt xəbər agentliyinin verdiyi xəbərə əsasən: İran İslam Respublikasının prezidenti Mahmud Əhmədinejad iyulun 19-da ölkə məscidlərində mədəni fəaliyyətlə məşğul olan qurumun üzvləri qarşında çıxış edərkən bildirib: “Mən üzümü bölgə ölkələrinə tutub onlara tövsiyə edirəm ki, tezliklə gedəsi olan Amerikaya və sionist rejiminə aldanmasınlar, bilsinlər ki, onların dövrü artıq başa çatıb. Onlar (Amerika və İsrail) son təpiklərini atır, son nəfəsini dərir. Bölgə ölkələri bilməlidir ki, İran xalqı ilə dostluq etmək onlar üçün daha xeyirlidir”.
O xatırladıb ki, İran xalqı sadiq dostdur: “İran xalqı dediyinə əməl edir. Əgər kimsə İran xalqının düşmənləri ilə əlbir olub orda-burda nəsə etmək istəsə və sabitliyi pozmağa çalışsa, bilməlidir ki, İran xalqı dünyada zülmkarların, eləcə də sionist rejiminin kökünü kəsmək üçün ayaq üstə dayanıb və onların hamısını gora göndərəcək.
Bütün dünya bilir ki, İran bölgənin ən böyük hərbi gücüdür. Biz bu sözləri dostluğumuza görə, sizin xeyirinizi nəzərə alıb deyirik. Hegemon güclərlə dostluq etmək bölgə ölkələrinə xeyir gətirməyəcək. Çünki hegemon dövlətlər hər şeyi öz maddi maraqları üçün istəyir. Onlar müxtəlif millətlər və ölkələr arasında qarşıdurma yaratmağa çalışırlar. Bölgə dövlətləri öz xalqlarının yanında olmalı, onların hüquqlarını tanımalıdır”.
source : ابنا
