Misirin paytaxtı Qahirədə diktator Hüsnü Mübarəkin məhkəməsinin sentyabrın 5-ə təyin olunan 3-cü iclası bu gün olacaq.
Quran Xəbər Agentliyi : Əlcəzirə xəbər agentliyinin verdiyi məlumata görə, Mübarəkin oğulları Əla və Camal da maliyyədən sui-istifadə və Misir vətəndaşlarını öldürmə cinayətləri əsasında mühakimə olunacaqlar.
Bundan başqa keçmiş Misir Daxili İşlər Naziri Həbib Adili və Mübarəkin altı köməkçisi də məhkəməyə çıxarılacaqlar. Hüseyn Səid Muhəmməd Musa, İmad Bədri Səid Muhəmməd və Mahmud Cəlal Əbdulhəmid bu gün məhkəmədə ifadə verənlər arasındadır.
Bu günkü məhkəmədə əvvəlki iclasların əksinə olaraq canlı veriliş olmayacaq. 10-u Küveytdən olan 50 vəkilin Hüsnü Mübarəki müdafiə etmək üçün məhkəməyə girmələrinə icazə veriləcək.
source : ایکنا