Livanın Amal hərəkatının rəyasət heyətinin üzvü bildirib ki, Musa Sədrin sağ olmasına çox ümid edirik. Liviya inqilabçıları ölkənin bəzi şəhərlərini hələ də azad etmədiklərinə görə, Musa Sədrin tapılması ehtimalı vardır.
Quran Xəbər Agentliyi : Əl-Aləm xəbər agentliyindən verilən məlumata görə, “İmam Musa Sədrin sərgüzəşti” kitabının müəllifi və Livanın Amal hərəkatının rəyasət heyətinin üzvü Xəlil Həmədan İmam Musa Sədrin tapılacağına ümid etdiyini bildirərək qeyd edib ki, Sədrin başına gələ biləcək hər hadisəyə görə keçmiş Liviya diktatoru Müəmmər Qəzzafi məsuliyyət daşıyır.
O, deyib: İmam Musa Sədrin qaçırılması hadisəsindən 33 il keçir. Hamımız onun hələ də sağ olduğuna inanırıq. Liviyada inqilab başlayandan bizim hərəkat daimi olaraq inqilabçılarla təmasdadır. Bizim Liviyadan gələn xəbərləri dəqiqləşdirən və bu barədə bütün xəbərlərə nəzarət edən xüsusi işçi qrupumuz vardır.
Onun dediyinə görə, Liviya inqilabçıları ölkənin bəzi şəhərlərini hələ də azad etmədiklərinə görə, Musa Sədrin tapılması ehtimalı vardır.
source : ایکنا
