Beyrutun cümə xətibi Seyyid Əli Fəzlullah cümə xütbəsində bildirib ki, İslam və ərəb ölkələri Əqsa məscidini, Qüds şəhərini himayə etmək uğrunda bayraq qaldırmalı və bu müqəddəs məkanın müdafiəsi üçün təsirli addımlar atmalıdırlar.
Quran Xəbər Agentliyi : Livanda nəşr edilən “İntiqad” qəzetinin yazdığına görə, Beyrutun “Həsəneyn (ə)” məscidindəki cümə namazı xütbəsində Seyyid Əli Fəzlullah deyib: “Ərəb dünyası ölkə daxili çətinliklər üzündən əziyyət çəkdikləri üçün azadlıq qazanmaqda səy göstərirlər. Onların hərəkatlarından qorxan zalım hakimiyyətlər istənilən yolla bunun qarşısını almaq istəyirlər. İllərlə davam etməsi ehtimal olunan bu hərəkatlar zamanı beynəlxalq təşkilatlar regionda öz nüfuzlarını artırmaq üçün can atırlar. Liviyada baş verən son hadisələr göstərir ki, Amerika və Fransa Liviyanın təbii sərvətlərinə sahib çıxmaq uğrunda mübarizə aparırlar. Buna görə də Liviya xalqı ayıq olmalı və NATO qarşısında ölkəni qorumağı bacarmalıdırlar.
O, həmçinin qeyd edib ki, İslam və ərəb ölkələri Əqsa məscidini, Qüds şəhərini himayə etmək uğrunda bayraq qaldırmalı və bu müqəddəs məkanın müdafiəsi üçün təsirli addımlar atmalıdırlar.
Seyyid Fəzlulah Türkiyənin İsrail qarşısında addığı addımları da təqdirəlayiq hesab etmişdir.
source : ایکنا