Sumqayıt şəhəri 23 nömrəli məktəbdə örpəkli şagirdlər dərsə buraxılmır.
Sumqayıt məktəblərində hicab yasaqdır
Əhli Beyt xəbər agentliyinin verdiyi xəbərə əsasən: Əliyevlər rejimində hicab dalğası bütün böyük şəhərləri əhatə etdiyi kimi Sumqayıt şəhəri də istisna olmur. Məmurlar qeyri-rəsmi şəkildə “heç bir hicab qadağası yoxdur” – desələr də Sumqayıt məktəblərində baş verən hadisələr göstərir ki, məktəb direktorları konstitusiyaya zidd olan bu kampaniyanı davam etdirir.
Sumqayıt şəhəri 23 nömrəli orta məktəbin direktoru Fikrət müəllim hicab qadağasının icrasında xüsusi fəallıq göstərən məmurlardandır. Şəhər sakinlərindən redaksiyamıza daxil olan məlumatlara əsasən bu gün də 23 nömrəli məktəbdə qadağa tam qüvvədədir və örpəkli şagirdlər dərsə buraxılmır.
Maraqlıdır ki, Fikrət müəllim bu qadağada şəxsən müqəssir olmadığını iddia edir və yuxarıdan göstəriş aldığını bildirir. Valideynlər yazırlar ki, bu vəziyyət dözülməzdir və yaxın zamanlarda əsaslı dəyişiklik olmazsa məktəb qarşısında aksiya keçiriləcək.
source : ابنا
