Rusiya və Çinin beynəlxalq problemlər üzrə mövqeyi İrana yaxındır. Bu barədə şənbə günü İranın "Came Cam" telekanalı ilə çıxışı zamanı İslam Respublikasının prezidenti Mahmud Əhmədinejad bəyan edib.
Rusiya və Çinin mövqeyi İrana yaxındır
Əhli Beyt xəbər agentliyinin verdiyi xəbərə əsasən: "İran, Rusiya və Çin vahid blokda cəmləşiblər. Bir çox beynəlxalq məsələlərdə Rusiya və Çinin mövqeyi bizə ABŞ və müttəfiqlərinin mövqelərindən daha yaxındır", - prezident bildirib.
Xəbərə görə, prezident İranın məqsədinin nüvə silahı deyil, nüvə enerjisi olduğunu vurğulayıb: "İran nüvə silahı əldə etməyə can atmır. Məqsədimiz iqtisadiyyatının müxtəlif sahələrini inkişaf etdirmək üçün dinc nüvə texnologiyalarına sahib çıxmaqdır. Təəssüf ki, bəzi ölkələr "nüvə silahı" və "nüvə enerjisi" anlayışları arasında bərabərlik işarəsi qoyurlar".
Əhmədinejad bir daha ölkəsinin ilkin şərt olmadan "5+1" qrupu ilə danışıqları bərpa etməyə hazır olduğunu bəyan edib.
Bu həftə qüvvəyə minmiş yeni sanksiyalar mövzusuna toxunan dövlət başçısı bildirib ki, bu addımları atan dövlətlərin payına İranın xarici ticarətinin cüzi hissəsi düşür: "Bizim illik mal döriyyəmiz 190 milyard dollar təşkil edir, bütün Avropanın payına isə cəmi 24 milyard dollar düşür"
source : ابنا
