Bundan başqa əgər hansısa obyektdə dini mərasim keçirilərsə həmin yerin sahibi cərimələnə, hətta həbs edilə bilər. Bununla bağlı Sumqayıtda xüsusi tapşırıqlar verilib.
Dinə qarşı "qanuni ov" mövsümü başladı
Əhli Beyt xəbər agentliyinin verdiyi xəbərə əsasən: Dini qadağaları Milli Məclisdə “qanuniləşdirəndən” sonra onun icrası başlayıb.
Artıq evlərdə, ofislərdə "qanuni ov" mövsümünə start verilib. Sumqayıtda evlərdən dini ədəbiyyat yığılır. Əgər hansısa kitabda Dini qurumlarla iş üzrə dövlət komitəsinin rəsmi icazə nömrəsi yoxdursa həmin kitablar müsadirə olunmaqla yanaşı şəxslər də cərimə olunur.
Bundan başqa əgər hansısa obyektdə dini mərasim keçirilərsə həmin yerin sahibi cərimələnə, hətta həbs edilə bilər. Bununla bağlı Sumqayıtda xüsusi tapşırıqlar verilib. Hər ərazi üzrə “məsul şəxs” “qanuni ovu” həyata keçirir.
Qeyd edək ki, İnzibati Xətalar Məcəlləsinin 300-cü maddəsinə edilmiş dəyişikliklə dini etiqad haqqında qanunvericiliyin pozulması hesab olunan fəaliyyətlər müəyyənləşdirilib. Yeniliyə görə, müvafiq icra hakimiyyəti orqanı ilə razılaşdırılmadan vətəndaşların dini təhsil müəssisələrində təhsil almaq üçün xaricə göndərilməsi, din xadimlərinin mübadiləsi, islam dininə aid ayin və mərasimlərin Azərbaycandan kənarda dini təhsil almış vətəndaşlar tərəfindən həyata keçirilməsi, qanunla müəyyən olunmuş qaydada satışına icazə verilən dini təyinatlı ədəbiyyatın, əşyaların və dini məzmunlu başqa məlumat materiallarının müvafiq icra hakimiyyəti orqanının razılığı ilə yaradılan ixtisaslaşdırılmış satış məntəqələrindən kənarda satılması, əcnəbilər və vətəndaşlığı olmayan şəxslər tərəfindən dini təbliğatın aparılması dini qanunvericiliyin pozulması hesab olunacaq.
Əcnəbilər və vətəndaşlığı olmayan şəxslər tərəfindən dini təbliğatın aparılması qanunsuz olaraq dini təyinatlı ədəbiyyatı, əşyaları və dini məzmunlu başqa məlumat materiallarını yaymaqla (satılmaqla) törədildikdə Cinayət Məcəlləsinin müvafiq maddəsinə əsasən cinayət məsuliyyətinə səbəb olur.
Cinayət Məcəlləsinə nəzərdə tutulan yeniliklərə görə, dini ayinləri icra etməyə mane olmağa görə cərimələrin maksimal həddi 2000 manatadək, dinə etiqada məcbur etməyə və dini ayinlərin icrası adı altında vətəndaşların hüquqlarına qəsd etməyə görə cərimələrin maksimal həddi 9000 min manatadək artırılır. Bu əməllərə görə 5 ilədək müddətə azadlıqdan məhrumetmə də nəzərdə tutulur.
source : ابنا
