Pakistanın Kəraçi şəhərinin ətrafındakı Rəzəviyyə qəsəbəsində yerləşən “Camiətuz-Zəhra” mədrəsəsində Qurani-kərimin təcvid və təfsiri üzrə kurslar fəaliyyətə başlayıb.
“Camiətuz-Zəhra” mədrəsəsinin müdiri Tahirə Fazili, xəbər agentliyinə verdiyi məlumatda bildirir: Qurani-kərimin kursları İsfənd ayının əvvəlindən başlayaraq Fərvərdin ayının sonuna qədər davam edəcəkdir.
O davam etdi: Bu kurslarda Qurani-kərimin təcvid və təkrar olunan kəlmələrin tərcüməsi tədris olunur. Tədrisdə “Tənzilul-Quran” müəssisəsinin kitablarından istifadə olunur.
Xanım Fazili həmçinin bildirdi: Təfsir dərslərində Əllamə Təbatəbainin təfsirindən, təcvid dərslərində isə beynəlxalq İran və Misir qiraətçilərinin səs yazılarından istifadə olunur.
Xanım Fazili sonda təfsir dərsləri barədə dedi: Əvvəlki kurslarda Nur surəsinin təfsiri tədris olunmuşdur. Bu dəfə isə Bəqərə və Ali-İmran surələrinin təfsiri tədris olunacaqdır.
source : ایکنا
