92 yaşlı Belçika sakini Josette Marie 2010-cu ildə İslam dinini qəbul etdiyini elan edib. Hazırda 94 yaşı olan qadın özünə Nur adını götürüb, - “İslamNyus”.
“Mən heç bir zaman İslam dinini qəbul etmək barədə düşünməmişəm. Lakin, mən uzun müddət ərzində müsəlmanlarla əlaqədə olmuşam. Hər zaman mən müsəlmanlara və onların dini dəyərlərinə böyük hörmətlə yanaşmışam”, - deyə xanım Nur bildirib.
“Mən əminəm ki, İslam qaydaları ilə kəsilən heyvanlar təmiz və daha xeyirlidir. Əlbəttə ki, məni İslama cəlb edən əsas amillərdən biri müsəlmanların yaşlı insanlara olan münasibəti oldu”, - deyə İslamı qəbul etmiş xanım vurğulayıb.
Xanım Nur artıq Həcc ziyarətində olub. O, artıq iki ildir ki, Ramazan ayında oruclarını tutur, hicaba tam şəkildə riayət edir.
“Mən o qədər təəssüf edirəm ki, İslamı gec qəbul etdim və bu qədər ili İslamdan kənar yaşadım. Mən həqiqətən də İslamı qəbul etdikdən sonra – 2010-cu ildə dünyaya gəldim. Mən keçmişini itirmiş, indiki gözəl həyatını yaşayan bir şəxsəm. İstəyirəm ki, müsəlman kimi ölüb, müsəlman kimi dəfn ediləm”, - deyə xanım vurğulayıb.
source : http://deyerler.org