вердиjи хәбәрә әсасән, Зилһиҹҹәнин 1-и мүбарәк бир тарихдир - һиҹрәтин 2-ҹи илиндә Һәзрәти Әли (ә) илә Ханым Фатимәнин (с.ә) издиваҹы бу ҝүндә баш вермишдир.
Һәзрәт Фатимәjә бир чох задәҝан аиләләрдән елчиләр ҝәлирди. Бунлардан бәзиләри исә Өмәр, Әбу Бәкр вә башгалары иди. Амма һәзрәт Пеjғәмбәр (с) гызына елчи ҝәләнләрә белә буjурарды:
«Бу барәдә вәһj ҝөзләjирәм».
Нәһаjәт вәһj ҝәлди вә Һәзрәт Фатимәнин әри бәлли олду.
«Еj Пеjғәмбәр! Ишығы ишыгла - Фатимәни Әли илә евләндир».
Әли әлеjһиссаламын һәзрәт Фатимә илә евләндикдә, әлиндә дүнjа малындан бир шеj олмасына бахмаjараг, бүтүн мадди дәjәрләрдән даһа үстүн вә дәjәрли бир хәзинәси вар иди: Инсалыг шәрәфи вә тәгва.
Пеjғәмбәр (с) һәзрәт Әлинин истәдиjини гәбул етдикдән сонра гызынын фикрини сорушмаг үчүн онун jанына ҝәлиб буjурду:
«Сән дә Әлини jахшы таныjырсан, о халгын арасында мәнә ән jахын оланы, ислама саjсыз-һесабсыз хидмәтләр ҝөстәрмиш фәзиләтли бир адамдыр. Бах, Аллаһ да сәнин үчүн Әлини сечиб. Сәнин бу һагда фикрин нәдир?»
Фатимә сусду. Пеjғәмбәр онун сүкутундан ханым Зәһранын бу мәсәләjә разы олмасыны баша дүшүб чох севинди.
Пеjғәмбәрин әмри илә Бәни Һашим гәбиләси вә әсһаб о ҝүн бир jерә jығылдылар. Даһа сонра Пеjғәмбәр (с) бир хүтбә охуjараг Әли илә Фатимәни евләндирди. Кәбининә дә дөрд jүз мисгал ҝүмүш тә᾽jин етди.
Әсһабдан бириси деjир: Һәзрәт Фатимәнин кәбининдә Пеjғәмбәр (с) гоjун кәсиб садә бир jемәк верәндән сонра, һамыдан бу барәдә шаһидлик алды.
Зәһранын кәбининин кәсилмәсиндән бир аj сонра, һиҹрәтин икинҹи илиндә тоj мәрасими кечирилди. О ахшам Пеjғәмбәр (с) Фатимәнин әлини Әли әлеjһиссаламын әлинин үстүнә гоjуб буjурду:
«Еj Әли! Фатимә сәнин үчүн сечилмиш ән jахшы ханымдыр.» Сонра исә Фатимәjә сары дөнүб буjурду: «Еj Фатимә! Әли дә сәнин үчүн сечилән ән хеjирли әрдир». Сонра «артыг өз евинизә ҝедә биләрсиниз» - деjәрәк онлары евләринә jола салды.
Мүһаҹир, әнсар вә Бәни Һашим гадынлары, әсһаб вә достлар шамдан сонра Һәзрәт Фатимәни Пеjғәмбәрин дәвәсинә миндириб севинҹ вә шадлыгла ону һәзрәт Әлинин евинә апардылар.
Әли әлеjһиссалам вә Фатимә (с) Мәдинәдән сәккиз километр узаглыгда, Губа мәсҹидинин jанында jени һәjатларына башладылар. Һәмин мәсҹид Һиҹрәт әснасында Пеjғәмбәрин һәзрәт Әлини бир һәфтә ҝөзләдиjи jердә тикилмишди.
Чох чәкмәди ки, онлар jенидән Мәдинәjә көчүб өзләринә Пеjғәмбәрин гоншулуғунда бир ев тикдиләр. Чүнки Пеjғәмбәр үчүн Әли вә Фатимәни jанында ҝөрмәмәк, онлардан узаг галмаг чох чәтин иди. Әли өз евини палчыг, хурма ағаҹынын jарпаг вә будагларындан тикди. Онларын евләринин кичик гапысы илә Пеjғәмбәрин евинин гапысы һәр ҝүн сәһәр чағы, ики үрәjин бир-биринә говушдуғу кими, бир-биринин үзүнә ачылырды.
Гур᾽ан вә һәдисләрдә бу гәдәр тә᾽рифләнән, бүтүн писликләрдән узаг олдуғу геjд олунан Әһли-беjт, итрәт еви вә аиләси, мәһз елә бу ев вә бу аиләдә иди.
Елә бир ев ки, Әли орада ата, Фатимә ана, Һәсән вә Һүсеjн оғлу, Зеjнәб илә Үмми Ҝүлсүм исә гызы идиләр.
Бу ев бүтүн заман вә илләрдә нәсилләр үчүн нүмунәви бир өрнәкдир.
Һәзрәт Фатимә (с) Әли (ә) илә бирҝә бөjүмүшдү, ону гаjғыкеш бир әр вә атасынын әтрафында доланан jүксәк бир инсан кими танымышды.
Артыг бу ики инсанын гәлби хүсуси бир шәкилдә бир-бири илә говушмушду. Белә ки, һеч биринин ҹаһилиjjәтлә әлагәси jох иди. Ыкиси дә һәjатларынын илк илләриндән башлаjараг рисаләт дәнизи илә вәһj нурунун көлҝәсиндә бөjүмүшдүләр. Ыкиси дә Ше᾽би Әби Талибдә мүшрикләрин мүһасирәсиндә үч ил бирликдә дәрд вә зәһмәт чәкмишләр.
Һәзрәт Фатимә (с) билирди ки, һәзрәт Әли әлеjһиссаламын мадди дөвләти олмаjыб, онун ән бөjүк сәрмаjәси jалныз атасынын һәдәфләри уғрунда фәдакарлыг етмәсидир.
О билирди ки, әри бүтүн ҹаванлығыны инам вә ҹиһад илә кечирәрәк өмрү боjу ислам вә мүсәлманлара хидмәт етмиш, ҹиһаддан башга бир шеj дүшүнмәмишдир.
Һәзрәт Фатимә (с) ислам дүнjасынын рәһбәри Пеjғәмбәрин гызы иди; онун бир хидмәтчиси олмасы зәрури деjилдими? Хеjр, о, белә бир шеj истәмирди.
Ханым Зәһра өзү ун үjүдәр, чөрәк jапар вә бүтүн ев ишләрини ҝөрәрди. Һалбуки, баҹылары Зеjнәб, Ругәjjә вә Үммү Ҝүлсүм әрләринин евиндә боллуг вә не᾽мәт ичиндә jашаjырдылар. Амма Фатимә (с) һәр шеjдән чох Аллаһы дүшүнүр вә һәмишә һәгигәти ахтарырды. Елә бир һәгигәт ки, нур, су вә һава кими ҝөзәллик вә һәjатын тәмәлидир.
Фатимә (с) ҹаван ағаҹ кими вәһj ишығынын көлҝәсиндә бөjүjүб, азадлыг вә әдаләт меjвәси jетишдирәрәк Гур᾽анын буjурдуғу кими «Шәҹәреjе Тәjjибә» (jахшылар ағаҹынын) башланғыҹы олмалы иди.
Һәзрәт Әли әлеjһиссалам илә Фатимәнин һәjаты бүтүн нәсилләр үчүн лаиjгли бир мәктәбдир ки, ондан нүмунәви дәрсләр өjрәнмәк лазымдыр.
Онларын арасындакы әмәкдашлыг диггәтә лаjигдир. Белә ки, Әли (ә) чөл ишләриндән әлавә ев ишләриндә дә Фатимәjә көмәк едәрди. Фатимә дә һәмишә Әлинин разылығыны ҹәлб етмәjә, еләҹә дә онун нараһатлыг вә jорғунлуғуну азалтмаға чалышарды.
Бир-бирләринә гаршы олан рәфтарлары санки тәрбиjә вә әдәбдән jоғрулмушду. Белә ки, бу ики һәjат jолдашы һеч вахт бир-бирләрини адлары илә чағырмаздылар.
Әли (ә) ханымыны чағыранда «jа бинтә рәсуиуллаһ» (еj Пеjғәмбәрин гызы) - деjә онун сәсләjәр. Фатимә (с) исә әрини «jа Әмирәл-мө᾽минин» - деjә чағырарды.
Бир белә чәтинликләрлә jанашы ушагларынын тә᾽лим-тәрбиjәсини дә унутмурдулар. Онларын сөзләринә гулаг асыр, мүхтәлиф суалларына ҹаваб верәрәк бу балаҹа ушаглар илә чох меһрибан рәфтар едирдиләр. Һеч вахт онларын үстүнә гышгырмаз вә jа нараһтедиҹи бир сөз сөjләмәздиләр.
Диггәт: Хәбәрдән истифадә етдикдә мәнбәjә истинад лазымдыр
source : www.abna.ir
