Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Nigeriya Silahlı Qüvvələri bu yaxınlarda 700-ə yaxın qadın və uşaqları cinayətkar Boko Haram sələfi terrorçu qruplaşmasının əsir düşərgəsindən azad etmişdir.
Ölkənin şimal şərqində yerləşən Sambisa məntəqəsində 5 ay Boko Haram sələfi sektasının əsirliyində qalan günahsız qadın və körpələr azad edildikdən sonra Yula şəhərindəki müvəqqəti düşərgələrdə yerləşdiriliblər.
Qeyd edək ki, qadın və körpələr vəhabilərin əsirliyində olduqları müddət ərzində çox ağır günlər yaşamış, gün ərzində bir dəfə antisanitar qida qəbul etmiş, ruhi və psixoloji anlar yaşamışlar.
