Əhli Beyt (əleyhimus səlam) -ABNA- Xəbər Agentliyinin verdiyi xəbərə əsasən, Amerikanın məşhur CNN xəbər agetnliyinin fotomüxbiri Kubaya səfərində İslam dininin burada yayıldığını duyduqda Kuba Müsəlmanlarının ilə görüşərək onların şəkillərini çəkib və bu haqda reportaj hazırlayıb.
Can Alvado öz verdiyi məlumatında deyir: “Kubaya səfərimdə eşitdikdə ki, Havanada İslam dini yayılmaqdadır bu mənim üçün maraqlı oldu və Havana Müsəlmanları ilə əlaqə saxlayaraq bu barədə xəbər hazırladım.”
O, deyir ki, söhbətləşmə zamanı məlum oldu ki, Havana Müsəlmanları Dini Təbliğatçının olmamasından öz əqidələrini İlahi Əhkamları əldə etməkdə çoxlu çətinliklər çəkirlər. Ruhaninin olmaması, ibadət yerlərinin olmaması bunların hamısı Müsəlmanlar üçün çox üzücüdür.
Can Alvado daha sonra əlavə edir ki, İslam dininin Kubada yayılmasına əsas səbəb Müsəlman tələbələrin xüsusi ilə də, Pakistanlı tələbələrin Havanaya gələrək burada təhsil almaqları ilə yanaşı İslamın təbliğ olunmasına zəminə yaradıblar. Digər səbəb isə, Müsəlman ölkələrinin Havanada yerləşən səfirlikləri bu işin yayılmasına və Kuba Müsəlmanlarının dini mərasimlərini yerinə yetirilməsinə imkan yaradır. Üçüncü səbəb isə, qərb dünyasında olduğu kimi mövcud ruhi düşkünlüklərin və boşluqların İslam vasitəsi ilə təmini habelə spirtli içkilərin haram olmasıdır ki, Kubalıları da digər insanlar kimi İslam dininə rəğbətlə yanaşmasına səbəb olub.
Statistikaya əsasən Kubalıların 85%-i Katolik və cəmi 1%-i yəni 10.000 nəfəri isə Müsəlmandır. Lakin Kuba Müsəlmanlarının hansı məzhəb ardıcılı olmaları məlum olmasa da, jurnalistin çəkdiyi şəkillərdən belə nəzərə gəlir ki, Şiəlik Kubada geniş yayılmaqdadır!
