Xəbər Agentliyinin verdiyi xəbərə əsasən, azərbaycanlıların Ukraynada daimi fəaliyyət göstərən beş ibadət ocağı var. Bunlar Xarkov "İmam Əli" məscidi, Xarkov "Əhli-beyt" hüseyniyyəsi, Kiyev "Əhlul-Beyt" hüseyniyyəsi, Kiyev "Əl-Mustəfa" Əhli-beyt hüseyniyyəsi və Vinnitsa "Əhli-beyt" hüseyniyyəsidir.
Bu fikirləri SalamNews-a açıqlamasında Ukraynada yaşayan ilahiyyatçı alim Hacı Namiq Babaxan bildirib.
Onun sözlərinə görə, hazırda Ukraynada çox azad dini mühit var, bütün dinlərin və təriqətlərin nümayəndələri çox sərbəst və dözümlü şəkildə dini fəaliyyətlə məşğul olur, ayinlərini icra edirlər. Ukrayna bu sahədə dünyaya nümunə olacaq qədər inkişafdadır. Burada yaşayan azərbaycanlılar da, təbii ki, bu imkandan yararlanırlar.
İlahiyyatçı, həmçinin qeyd edib ki, Xarkov "İmam Əli" məscidinin təmiri tamamlansa da, hazırda genişləndirmə işləri davam edir. Kiyevdə isə məscid tikintisinə hazırlıq gedir. Bundan başqa Odessa və Poltavada da daimi ibadət ocaqlarının açılışı nəzərdə tutulub.
Diqqət: Xəbərdən istifadə etdikdə mənbəyə istinad lazımdır
source : abna24
