suriyalı əsgərlər Homs bölgəsindəki çöllük ərazidə İŞİD-ə qarşı uğurlu əməliyyat keçirib. Suriya piyada qoşunları böyük əhəmiyyətə malik Həyan neft yatağının çox yaxınlığına çatıb.
Suriya ordusu İŞİD terrorçularının müntəzəm olaraq hücum etdiyi Tifur aeroportu və Homs-Palmira avtomobil yolunun yaxınlığında yerləşən mövqeləri dəstəkləmək məqsədilə bir neçə gün əvvəl geniş bir əməliyyat başladıb. Beləliklə hava limanının ətrafındakı təhlükəsizlik zonasının diametri 35 kilometrə çatdırılmış olub.
Suriyalı əsgərlər indi də terrorçuların neft regionlarına gedən yollardakı gediş-gəlişi çətinləşdirmək üçün quraşdırmış olduğu minaları zərərsizləşdirməyə davam edir.
Əməliyyatın son hədəfinin ordunun neft yataqlarını nəzarət altına alması və tarixi Palmira şəhərinin terrorçulardan təmizlənməsi olduğu bildirilir.
Suriya Silahlı Qüvvələri İŞİD terrorçularına ağır itkilər yaşatmağa davam edir
Diqqət!Xəbərdən istifadə etdikdə mənbəyə istinad lazımdır!
