Beynəlxalq sektor: Mübarək ramazan ayının gəlişi münasibətilə Türkiyədə xüsusi Quran xətmi saytı açılıb. Saytı www.ortakhatim.com ünvanında izləmək mümkün olacaq.
İQNA İran Quran İnformasiya Agentliyi Ortakhatim mənbəsinə istinadən xəbər verir ki, saytın işə salınmasında məqsəd dini mərasimlərdə iştirak etmək imkanı olmayanların Quranla ünsiyyəti üçün şərait yaratmaqdır. Mərasimə qatılmaq istəyənlər saytın ana səhifəsində qeydiyyatdan keçdikdən sonra 15 gün ərzində oxuyacaqları ayə və surələri qeyd etməlidirlər. Nəzərdə tutulmuş hissə oxunduqdan sonra “başa çatdı” düyməsi basılmalıdır. Saytda Qurani-Kərimdən əlavə Cuşən kəbir duası, Quranın İstanbul türkcəsinə tərcüməsi, həzrət Əlidən (ə) nəql olunmuş dualar yerləşdirilib.
source : www.iqna.ir
