Dünyada və vətənimiz Azərbaycanda Əziz İslam Peygəmbərinin (s) - aləmlərin yaranış fəlsəfəsi olan Həzrət Muhəmmədin (s) və İmam Cəfər Sadiqin (ə) mübarək mövludları, habelə "Vəhdət" həftəsi münasibətilə bayram tədbirləri davam edir. Növbəti bayram tədbiri "Pozitiv" Gənclər Platforması tərəfindən keçirilmişdir. Gənclər Platforması mübarək mövludu özünəməxsus şəkildə qeyd etmişlər. Belə ki, gənclər İslam tarixinin bir hissəsini ehtiva edən və İslam Peyğəmbərin (s) mübarək həyatının bir hissəsindən bəhs edən "Çağrı" filminə kollektiv tamaşa təşkil ediblər. Qeyd edək ki, bu təşəbbüs pozitivçilər tərəfindən sosial şəbəkələrdə "ivent"lənmiş və şəhərin kino-teatrlarından birində təşkil edilmişdir.
Tədbirdə İcərişəhər “Cümə” məsçidinin imam-camaatı, ilahiyyatçı-filosof Hacı İlqar İbrahimoğlu da iştirak edib.
Xatırladaq ki, bütün dünyada mübarək mövlud "Vəhdət" həftəsi münasibətilə bir sıra bayram mərasimləri keçirilməkdədir.
Sonda bir daha mübarək mövlud münasibətilə hamını təbrik edirik.
source : http://deyerler.org
